سعودی عرب اور ہانگ کانگ کے بیلٹ اینڈ روڈ آفس کے درمیان مفاہمتی یادداشت پر دستخط

سعودی عرب نے چین کے خصوصی انتظامی ریجن ہانگ کانگ کی حکومت کے ساتھ ’بیلٹ اینڈ روڈ آفس‘ کے تحت مفاہمت کی ایک یادگار پر دستخط کیے ہیں۔

عرب نیوز کے مطابق مفاہمت کی اس یادگار کا مقصد ہانگ کانگ سے پروفیشنل خدمات فراہم کرنے والے افراد کی سعودی مارکیٹ تک داخلے کی سہولت کو بہتر بنانا اور انفراسٹرکچر اور تعمیرات میں اطلاعات کے تبادلے میں اضافہ کرنا ہے۔

یہ سٹریٹیجک اقدام تعاون کی نئی راہیں کھولے گا اور وژن 2030 کے تحت معاشی رابطوں اور اہم شعبوں میں بہتر کوالٹی کی سرمایہ کاری کو اپنی جانب راغب کرے گا۔

مفاہمت کی یادداشت پر دستخط کے موقع پر سعودی وزارتِ سرمایہ کاری کے وزیر خالد الفالح اور ہانگ کانگ کے چیف ایگزیکٹیو جون لِی بھی موجود تھے۔ معاہدے پر ہانگ کانگ کے کمشنر برائے بیلٹ اینڈ روڈ نکولس ہو لِک چِی اور سعودی وزارتِ سرمایہ کاری میں خدمات کے شعبے کے اسسٹنٹ نائب فہد الہاشم نے دستخط کیے۔

اس ہفتے، الفالح نے اس وفد کی سربراہی بھی کی تھی جس نے چین کا سرکاری دورہ کیا تھا۔ چین، سعودی عرب کے سب سے بڑا تجارتی شراکت دار ہے۔ دونوں ممالک کے درمیان دو طرف تجارت ایک سو بلین امریکی ڈالر سالانہ  ہے۔