ٹریفک خلاف ورزیوں پر 7 ہزار 304 سوموٹر سائیکلیں ضبط

سعودی محکمہ ٹریفک نے متعدد خلاف ورزیوں پر مختلف شہروں سے 7 ہزار 304 موٹر سائیکلیں ضبط کی ہیں۔

سبق ویب سائٹ کے مطابق 24 اگست 2025 سے 30 اگست 2025 تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ ’سب سے زیادہ موٹر سائیکلیں ریاض ریجن میں ضبط ہوئی ہیں جن کی تعداد 3791 ہے‘۔

’دوسرے نمبر پر جدہ ہے جہاں سے 2118 موٹر سائیکلیں ضبط ہوئی ہیں جبکہ تیسرے نمبر پرمشرقی ریجن ہے جہاں 602 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔