منشیات سمگل کرنے پر شہری کو سزائے موت

سعودی وزارت داخلہ نے کہا ہے کہ منشیات سمگل پر سعودی شہری پر سزائے موت کا فیصلہ نافذ کر دیا گیا ہے۔

سعودی پریس ایجنسی کے مطابق وزارت داخلہ نے کہا ہے کہ ’سعودی شہری نزال بن عید العطیوی کو منشیات سمگل کرتے ہوئے گرفتار کیا گیا تھا‘۔

وزارت نے کہا ہے کہ ’تمام ثبوت اور دلائل کے ساتھ اسے عدالت میں پیش کیا گیا جہاں الزام ثابت ہونے اور زمین میں فساد پھیلانے پر  سزائے موت کا فیصلہ سنا دیا گیا‘۔

’بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی ہے‘۔

وزارت نے کہا ہے کہ ’آج بدھ کو مدینہ منورہ ریجن میں عدالت کا فیصلہ نافذ کردیا گیا ہے‘۔