یہ طبی سامان امارات کی جانب سے غزہ کے ہسپتالوں کے لیے عالمی ادارہ صحت کو فراہم کیا گیا ہے۔ اس میں دوائیں، وینٹی لیٹرز، ڈائیلائسز مشینیں، انفیوژن پمپس، بلڈ گلوکوز مانیٹرز اور دیگر اشیا شامل ہیں۔
اس کے علاوہ ہیلتھ کیئر کا ضروری طبی سامان جس میں ہسپتالوں کے لیے جدید بستر، بچوں اور نوزائیدہ مریضوں کے بیڈز، ایمرجنسی ٹرانسفر سٹریچرز، ویل چیئرز اور میڈیکل کرچز شامل ہیں۔
حساس دواوں اور ویکسینز کے محفوظ ذخیرے کے لیے خصوصی ریفریجریٹرز بھی فراہم کیے گئے ہیں۔
امدادی قافلے میں 7 ٹرک خوراک لے کر غزہ پہنچے ہیں تاکہ فلسطینی خاندانوں کی فوری غذائی ضروریات کو پورا کیا جا سکے۔
امارات آپریشن ‘الفارس الشهم 3’ کے تحت فلسطینی عوام کو مسلسل امداد فراہم کررہا ہے جس کا مقصد خاص طور پر کمزور اور متاثرہ طبقات کی بنیادی ضروریات پورا کرکے مصائب کو کم کرنا ہے۔
مجموعی طور پر84 ہزار ٹن سے زیادہ امدادی سامان غزہ بھیجا چکا ہے۔ (فوٹو: وام)
متحدہ عرب امارات اب تک مجموعی طور پر84 ہزار ٹن سے زیادہ امدادی سامان غزہ بھیج چکا ہے۔
امارات نے 7.5 کلو میٹر طویل پائپ لائن کا بھی افتتاح کیا ہے، جو مصری، اماراتی ڈی سیلیننشن پلانٹس سے غزہ کی پٹی تک صاف پانی فراہم کرے گی۔
سعودی امدادی ایجنسی کے تعاون سے غزہ میں ڈائیلاسز سینٹر قائمNode ID: 894026
