سعودی قیادت کی جانب سے شمالی مقدونیہ کو یوم آزادی پر مبارکباد

خادم حرمین شریفین شاہ سلمان بن عبدالعزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نےشمالی مقدونیہ کے صدر جودانا سیلجانوفسکا کو ان کے ملک کے قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے شمالی مقدونیہ کے صدر کو تہنیتی پیغام روانہ کئے ہیں۔

سعودی قیادت نے شمالی مقدونیہ کے صدر کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور شمالی مقدونیہ کےلیے مزید ترقی و کامرانی کی امید رکھتے ہیں‘۔