جمعہ کو چاند کعبے کے عین اوپر ہوگا

مکہ مکرمہ کے آسمان پر کل جمعہ کو چاند کعبے کے عین اوپر ہوگا۔

سبق ویب سائٹ کے مطابق یہ فلکی مظاہرہ سائنسی دقت اور بصری حسن کو یکجا کرنے والا واقعہ ہے جو آسمانی اجسام کی حرکت اور زمینی مقامات کے درمیان ہم آہنگی کو ظاہر کرتا ہے۔

جدہ میں فلکیاتی کمیٹی کے سربراہ انجینئر ماجد ابو زاہرہ نے کہا ہے کہ ’یہ فلکی مظاہرہ آسمانی اجسام، خصوصاً چاند کی حرکت کے حسابات کی درستگی کی سائنسی تصدیق کا ایک طریقہ ہے جس سے اس کے مقام کی نہایت درست نشاندہی ممکن ہو جاتی ہے‘۔

’اس مظاہرے سے دنیا کے کئی علاقوں میں نہایت آسان طریقے سے قبلہ کے رخ کا تعین بھی کیا جا سکتا ہے‘۔