جدہ سمیت مکہ مکرمہ اور مدینہ منورہ میں بارش کی توقع

محکمہ موسمیات نے کہا ہے کہ آج جمعرات کو جدہ سمیت مکہ مکرمہ اور مدینہ منورہ ریجنوں کے متعدد شہروں میں بارش کا قوی امکان ہے۔

سبق ویب سائٹ کے مطابق محکمے نے کہا ہے کہ ’جدہ اور دیگر ساحلی شہروں میں تیز ہوا بھی چلے گی جبکہ اونچی موجیں اٹھیں گی‘۔

’اللیث، طائف، اضم، بنی یزید اور العرضیات میں کہیں ہلکی اور کہیں درمیانے درجے کی بارش کی توقع ہے‘۔

’اس سے ملتی جلتی صورتحال مدینہ منورہ ریجن کے شروں ینبع اور الرایس میں بھی جہاں 49 کلو میٹر فی گھنٹہ کی رفتار سے ہوا چلے گی اور شام 7 بجے تک اونچی موجیں اٹھیں گی‘۔

محکمے نے کہا ہے کہ ’الباحہ، عسیر اورجازان میں بھی آج کہیں تیز اور کہیں درمیانے درجے کی بارش ہوگی‘۔

ریاض اور مشرقی ریجن کے حوالے سے محکمے نے بتایا ہے کہ ’متعدد شہروں میں ہلکی بارش کا امکان ہے جبکہ گرد آلود ہوا چلے گی جس سے حد نگاہ متاثر رہے گی‘۔