ولی عہد شہزادہ محمد بن سلمان سے ایرانی سیکیورٹی کونسل کے سیکرٹری جنرل کی ملاقات
ملاقات میں دوطرفہ تعلقات اور علاقائی حالات پر تبادلہ خیال کیا گیا(فوٹو، ایس پی اے)
ولی عہد شہزادہ محمد بن سلمان بن عبدالعزیز آل سعود سے ریاض کے قصر الیمامہ میں ایران کی سپریم نیشنل سیکیورٹی کونسل کے سیکرٹری جنرل سید علی لاریجانی نے اپنے وفد کے ہمراہ ملاقات کی۔
سعودی نیورز ایجنسی ’ایس پی اے‘ کے مطابق اس موقع پر دونوں ممالک کے مابین تعلقات اور علاقائی تازہ ترین صورتحال اور ان میں ہونے والی پیش رفت کے حوالے سے بھی بات چیت کی گئی۔
ملاقات کے موقع پر سعودی وزیر دفاع شہزادہ خالد بن سلمان بن عبدالعزیز ، وزیر مملکت اور رکن کابینہ و قومی سلامتی کے مشیر ڈاکٹر مساعد بن محمد العیبان کے علاوہ انٹیلی جنس کے سربراہ خالد بن علی الحمیدان بھی موجود تھے۔
