سعودی قیادت کی جانب سے نائیجریا کو یوم آزادی پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نے نائیجریا کے صدر بولا احمد کو ان کے ملک کے یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے نائیجریا کے صدر کو تہنیتی پیغام روانہ کئے ہیں۔

سعودی قیادت نے صدر بولا احمد کے نام روانہ کئے جانے والے مکتوب میں کہا ہے کہ ’ہم آپ کے لیے صحت و عافیت اور خوشحال زندگی اور نائیجریا کے لیے مزید ترقی و کامرانی کی امید رکھتے ہیں‘۔