’ریاض بُک فیئر 2025‘ کا آغاز، ازبکستان کی بطور اعزازی مہمان شرکت

’ریاض انٹرنیشنل بُک فیئر 2025‘ آج سے شروع ہو رہا ہے جس میں 25 ممالک سے دو ہزار مقامی اور بین الاقوامی اشاعتی ادارے شرکت کر رہے ہیں۔

سعودی پریس ایجنسی ایس پی اے کے مطابق بڑی تعداد میں معروف مصنف اور دانشور موجود ہوں گے جس سے اس بک فیئر کی عرب دنیا میں ایک کلیدی ثقافتی پلیٹ فارم کے طور پر اہمیت مضبوط ہو گی۔

اس ایونٹ کا انتظام ’دا لٹریچر، پبلشنگ اینڈ ٹرانسلیشن کمیشن‘ نے کیا ہے۔  بک فیئر 11 اکتوبر تک امیرہ نورہ بنتِ عبدالرحمٰن یونیورسٹی میں جاری رہے گا۔

اس برس کے بُک فیئر میں ازبکستان اعزازی مہمان کے طور پر شرکت کر رہا ہے جو یہ ظاہر کرتا ہے کہ اس کے سعودی عرب کے ساتھ ثقافتی تعلقات مضبوط ہیں۔

یہ بک فیئر، ریجن کی سب سے بڑی ثقافتی تقریب ہے جس کے اہم پروگرام میں 200 سے زیادہ ایونٹس ترتیب دیے گئے ہیں۔

اس میں بچوں کے لیے ایک خصوصی زون مختص کیا گیا ہے جہاں عمر کے لحاظ سے ان کے لیے مختلف سرگرمیوں کا انتظام ہے۔

طباعت کی صنعت کو تعاون اور شراکت داریوں کو تقویت دینے کے لیے بک فیئر میں اس مرتبہ بھی کاروباری زون قائم کیا گیا ہے۔

اس ایونٹ میں ادبی ادارے اکٹھے ہوں گے جبکہ ناشروں کے لیے خصوصی خدمات کا انتظام ہوگا۔ حکومت اور مالی اور کاروباری اداروں کو ذہن میں رکھتے ہوئے میلے میں خصوصی پویلین قائم کیے گئے ہیں۔

کتب کی صنعت میں بزنس زون، انٹرپرینیورشپ ، کاپی رائٹ اور لائسینسنگ پر مکالمے کی میزبانی اور ورکشاپس منعقد کرے گا۔