سعودی پروجیکٹ کے تحت یمن میں مزید ایک ہزار 319 بارودی سرنگیں تلف
اب تک 5 لاکھ 17 ہزار818 بارودی سرنگوں کو تلف کیا جا چکا ہے۔(فوٹو: ایس پی اے)
سعودی عرب کے مسام پروجیکٹ کے تحت ستمبر کے دوسرے ہفتے یمن کے مختلف علاقوں سے مزید ایک ہزار 319 بارودی سرنگوں اور دھماکہ خیز ڈیوائسز کو ہٹایا گیا ہے۔
ایس پی اے کے مطابق 2018 میں مسام پروجیکٹ کے آغاز کے بعد سے اب تک 5 لاکھ 17 ہزار818 بارودی سرنگوں کو تلف کیا جا چکا ہے۔
دھماکہ خیز مواد اور بارودی سرنگوں کو بلا تفریق زمین میں بچھایا گیا تھا جو عام لوگوں، خاص طور پر بچوں، خواتین اور عمر رسیدہ افراد کے لیے سنگین خطرہ بن رہا تھا۔
مسام پروجیکٹ کے تحت باردوی سرنگیں صاف کرنے والے مقامی انجینیئروں کی تربیت کی جاتی ہے اور انھیں آلات فراہم کیے جاتے ہیں اور جو یمنی دھماکہ خیز مواد کی وجہ سے زخمی ہو جاتے ہیں، یہ پروجیکٹ انھیں مدد بھی دیتا ہے۔
پروجیکٹ کے تحت مختلف ٹیموں کو دیہات، سڑکوں اور سکولوں سے بارودی سرنگوں یا دھماکہ خیز مواد کو ہٹانے کا کام سونپا جاتا ہے تاکہ عام لوگ محفوظ رہتے ہوئے نقل و حرکت کر سکیں۔ انسانی بنیادوں کے تحت دی جانے والی امداد عام لوگوں تک پہنچ سکے۔
مسام پروجیکٹ کےلیے ایوارڈ، یمن میں اہم انسانی کردار کا اعترافNode ID: 882945
یمن میں سعودی مسام پروجیکٹ نے ایک اہم سنگ میل عبور کیاNode ID: 891203
