سعودی سفیر نے دمشق میں شامی وزیرخارجہ کو اسناد سفارت پیش کیں
سعودی سفیر نے دمشق میں شامی وزیرخارجہ کو اسناد سفارت پیش کیں
ہفتہ 11 اکتوبر 2025 22:16
مشترکہ تعاون کو فروغ دینے کے طریقوں پر تبادلہ خیال کیا گیا (فوٹو: اخبار24)
شام میں سعودی عرب کے سفیر فیصل المجفل نے سنیچر کو دمشق میں شامی وزیرخارجہ اسعد الشیبانی کو اسناد سفارت پیش کیں۔
اخبار 24 کے مطابق اس موقع پر ملاقات میں دونوں ملکوں کے درمیان تعلقات کو مضبوط بنانے اور عوام کے مفادات کےلیے مشترکہ تعاون کو فروغ دینے کے طریقوں پر تبادلہ خیال کیا گیا۔
یاد رہے کہ گزشتہ دنوں سعودی اور شامی وزرائے خارجہ نے العلا میں میونخ سکیورٹی لیڈرز میٹنگ کے دوران ملاقات کی تھی۔
گزشتہ برس سعودی عرب اور شام نے سفارتخانے دوبارہ کھولے ہیں ( فوٹو: اخبار 24)
جس میں دونوں ملکوں کے درمیان تعلقات اور مشترکہ مفادات کے لیے انہیں بڑھانے کے طریقوں کا جائزہ لیا گیا تھا۔
سعودی عرب نے شام کے استحکام اور خود مختاری کے لیے اول روز سے واضح موقف اختیار کر رکھا ہے جبکہ شام کی نئی انتظامیہ کے ساتھ تعاون جاری رکھنے کا فیصلہ کرتے ہوئے عوام کی امداد کر رہا ہے۔
یاد رہے سعودی عرب نے گزشتہ سال دارالحکومت دمشق اور شام نے ریاض میں سفارتخانہ 12 سال بعد دوبارہ کھولا تھا۔
