امریکہ، مصر، قطر اور ترکی نے غزہ میں جنگ بندی کے حوالے سے دستاویز پر دستخط کر دیے

امریکہ، مصر، قطر اور ترکی نے پیر کو دو برس سے جاری غزہ جنگ کے خاتمے کے لیے طے پانے والے معاہدے کے ضامن کے طور پر ایک مشترکہ اعلامیے پر دستخط کیے ہیں۔

فرانسیسی خبر رساں ادارے اے ایف پی کے مطابق مصر کی میزبانی میں شرم الشیخ میں غزہ معاہدے سے متعلق بین الاقوامی سربراہی اجلاس میں امریکی صدر ڈونلڈ ٹرمپ نے دستخط کرنے سے قبل کہا کہ ’یہ دستاویز ضوابط، قواعد و قوانین اور بہت سی دیگر باتوں کو واضح کرے گی۔‘

انہوں نے دو بار دہرایا کہ ’یہ معاہدہ قائم رہے گا۔‘