امارات میں گولڈن اقامہ ہولڈرز کے لیے نئی قونصلر خدمات متعارف
یہ خدمات اس سے قبل اماراتی شہریوں کےلیے مخصوص تھیں۔( فوٹو: امارات الیوم)
متحدہ عرب امارات کی جانب سے گولڈن اقامہ ہولڈرز کی سہولت کے لیے نئی قونصلر خدمات متعارف کرائی ہیں جو اس سے قبل اماراتی شہریوں کےلیے تھیں۔
اماراتی وزارت خارجہ اور فیڈرل اتھارٹی برائے شناحت، شہریت، کسٹم اور پورٹ سکیورٹی نے نئی سروسز کا آغاز کیا ہے۔
امارات الیوم کے مطابق ’گلوبل جیٹکس 2025 ‘ نمائش کے 45 ویں ایڈیشن کے موقع پر اماراتی گولڈن اقامہ ہولڈرز کے لیے نئے اقدام کا اعلان کیا گیا۔
اماراتی شہریوں کی طرح گولڈن اقامہ ہولڈرز کے لیے بھی بیرون ملک موجودگی کے دوران ہنگامی صورتحال پر مدد کے لیے ہاٹ لائن سروس کی سہولت فراہم کی گئی ہے۔
وزارتِ خارجہ کی جانب سے جاری کردہ خصوصی نمبر اور ڈیجیٹل پلیٹ فارم کے ذریعے مدد تک کسی بھی وقت رابطہ کیا جاسکتا ہے۔
اماراتی گولڈن اقامہ ہولڈر یا ان کے اہل خانہ پاسپورٹ تلف یا گم ہو نے کی صورت میں رابطہ کرسکتے ہیں انہیں مکمل مدد فراہم کی جائے گی۔
اماراتی حکومت کی جانب سے جس طرح اپنے شہریوں کی دیکھ بھال کرتی ہے، بیرون ملک انہیں کسی بھی ہنگامی صورتحال یا طبی مسائل میں مدد فراہم کی جاتی ہے اسی طرح کی گولڈن اقامہ ہولڈرز کو بھی خدمات مہیا کی جائیں گی۔
امارات میں غیرملکی طلبا گولڈن اقامہ کیسے حاصل کرسکتے ہیں؟Node ID: 891916
کیا امارات میں غیرملکیوں کو لائف ٹائم گولڈن اقامہ دیا جا رہا ہے؟Node ID: 892035
