ریاض سیزن 2025 میں ’جوائے فورم‘ کا آغاز، معروف شخصیات کی شرکت
جمعرات 16 اکتوبر 2025 18:59
انٹرٹینمنٹ اتھارٹی کے چیئرمین کے مطابق جوائے فورم کے دوران 4 ارب ریال سے زائد کے معاہدوں پر دستخط متوقع ہیں (فوٹو: الاخباریہ)
ریاض سیزن 2025 کے تحت جوائے فورم 2025 کا پہلا دن جمعرات کو بلیوارڈ سٹی کے ایس ای ایف ارینا میں شروع ہوا جہاں عالمی رہنما، کھلاڑی، تخلیق کار اور فیصلہ ساز جمع ہوئے تاکہ تفریح کے مستقبل اور سعودی عرب کے اس شعبے میں بڑھتے ہوئے کردار پر تبادلۂ خیال کریں۔
اخبار 24 کے مطابق افتتاحی تقریب سے خطاب کرتے ہوئے انٹرٹینمنٹ اتھارٹی کے چیئرمین ترکی آل الیشخ نے بتایا کہ ’جوائے فورم کے دوران 2026 تک چار ارب ریال سے زائد کے معاہدوں پردستخط متوقع ہیں۔‘
انہوں نے واضح کیا کہ کہ مملکت اس وقت تفریحی شعبے میں دنیا کی قیادت کر رہی ہے۔ وژن 2030 کے آغاز کے بعد سے اہم انٹرنیشنل ایونٹس کی میزبانی کی ہے، سعودی عرب ایک عالمی برانڈ بن گیا ہے۔‘
ان کا کہنا تھا کہ ’مملکت کی قیادت سعودی شہری اور یہاں مقیم غیرملکیوں کے معیارِ زندگی کو بلند کرنا اور بہترین سہولتیں فراہم کرنا اہمیت اختیار کر چکا ہے۔
فورم میں مخلتف ممالک سے فن و تفریح، سینما موسیقی و سپورٹس اور میڈیا کے علاوہ تخلیقی صلاحیت رکھنے والے شرکت کریں گے۔
واضح رہے ’جوائے فورم 2025‘ میں اندرون مملکت اور دیگر ملکوں سے تفریحی امور کے ماہرین اپنے تجربات سے آگاہ کریں گے۔
فورم میں اہم شخصیات جن میں ’ْڈانا وائٹ، شکیل اونیل، مسٹربیسٹ، ٹیری کریو، گیری وینرچک، لی جنگ جائی اورریان سیکرسٹ جبکہ عالمی کمپنیاں ایم بی سی سٹیڈیوز، سکائی سپورٹس، یوایف سی، ڈی اے ذیڈ این، ڈبلیو ڈبلیو ای اور نیٹ فلکس کے مندوبین بھی موجود ہوں گے۔
ریاض سیزن لندن میں بھی جلد آ رہا ہے: ترکی آل الشیخNode ID: 895518
