سعودی عرب میں فالکنرز کی تاریخ دہرانے کے لئے شلایل میوزیم

فالکن کپ 2025 کے تحت ظہران ایکسپو سینٹر میں شلايل میوزیم کا آغاز کیا گیا ہے جہاں بصری اور دستاویزی پیشکش کے ذریعے سعودی فالکنرز کی تاریخ پیش کی جارہی ہے جو اس شوق کی ابتدا سے لے کر جزیرہ عرب کے مختلف ادوار تک کی یادوں کو محفوظ رکھتی ہے۔

سبق ویب سائٹ کے مطابق میوزیم زائر کو ورثے کی گہرائی میں لے جانے والا تجرباتی سفر فراہم کرتا ہے جس میں روایتی فالکنر کے نایاب آلات، سعودی عرب کے بادشاہوں کی اپنے بازوں کے ساتھ آرکائیوی تصاویر اور وہ دستاویزات و نوادرات شامل ہیں جو انسان اور باز کے تعلق کو بیان کرتی ہیں نیز یہ بتاتی ہیں کہ کس طرح فالکنرز نے برسوں تک بدوی زندگی، قیادت اور سعودی معاشرے میں اہم کردار ادا کیا ہے۔

شلايل میوزیم کئی نسلوں میں استعمال ہونے والے فالکنرز کے اوزار بھی پیش کرتا ہے جن کے استعمال کے قدیم طریقوں اور تربیت و شکار کی تکنیکوں کی ارتقائی شکلوں کو جدید مقابلوں تک پہنچنے تک تعارفی انداز میں بیان کیا گیا ہے۔

میوزیم میں خصوصی شعبہ سعودی عرب اور دنیا میں فالکنرز کے ارتقا کے لئے مختص ہے جو زائرین کی بھرپور توجہ حاصل کرتا ہے۔

یہ شعبہ مستند تاریخی مواد کو حقیقت سے جوڑ کر تعلیمی اور معلوماتی تجربہ پیش کرتا ہے جو سعودی فالکنرز کلب کے پیغام کا حصہ ہے۔

شلايل میوزیم کے تحت دیگر مختلف سرگرمیوں کا بھی انعقاد جاری ہے جہاں نشانہ بازی کا میدان، روایتی دستکاری، ادائیگی کے فنون اور بچوں کے لئے مخصوص ’مستقبل کے فالکنر زون بھی شامل ہیں۔

اس کے علاوہ بازوں کا مقابلہ بھی منعقد ہو رہا ہے جس کے مختلف راؤنڈز الخبر کے ہاف مون بیچ کے نزدیک جاری ہیں جہاں فاتحین کے لئے مجموعی انعامات ایک کروڑ سعودی ریال سے زائد رکھے گئے ہیں۔