کھجور کے درختوں کی تعداد تین کروڑ سے زیادہ، خلاص سرفہرست

2024 کے دوران سعودی عرب میں کھجور کی پیداوار ایک فیصد بڑھ کر 1.9 ہزار ٹن تک پہنچ گئی جبکہ کھجور کے درختوں کی تعداد 3 کروڑ 76 لاکھ سے زیادہ رہی جن میں 3 کروڑ 20 لاکھ بارآور تھے۔

سبق ویب سائٹ کے مطابق القصیم ایک کروڑ 8 لاکھ درختوں اور 5 لاکھ 84 ہزار ٹن پیداوار کے ساتھ سرفہرست رہا جبکہ خلاص قسم کی کھجور نے 6 لاکھ 16 ہزار ٹن کے ساتھ سب سے زیادہ پیداوار دی ہے۔

مجموعی اناج کی پیداوار 1.6 ہزار ٹن رہی جس میں گندم کا حصہ 71.9 فیصد تھا اور اس کی پیداوار میں 9.7 فیصد کی کمی ریکارڈ کی گئی۔

کھلی زمین کی سبزیوں کا رقبہ 8.4 فیصد بڑھ کر 89.7 ہزار ہیکٹر ہو گیا اور پیداوار 2.7 ہزار ٹن رہی جس میں آلو (6.24 لاکھ ٹن) اور تربوز (6.12 لاکھ ٹن) سب سے آگے رہے۔

گرین ہاؤس سبزیوں کی پیداوار 7.97 لاکھ ٹن رہی، 10.6 فیصد اضافہ کے ساتھ۔ ٹماٹر 3.29 لاکھ ٹن اور کھیرا 2.32 لاکھ ٹن کے ساتھ نمایاں رہے۔

دائمی درختوں کی تعداد 4 کروڑ 30 لاکھ تک پہنچی جن میں 81.9 فیصد پھل دار تھے اور مجموعی پیداوار 9.98 لاکھ ٹن رہی۔

زیتون دو کروڑ 15 لاکھ درختوں اور 3.51 لاکھ ٹن پیداوار کے ساتھ سرفہرست رہا اس کے بعد انگور 73 لاکھ درخت اور 1.25 لاکھ ٹن کے ساتھ دوسرے نمبر پر رہا۔

نامیاتی اور زیرِ تبدیلی زرعی رقبہ 24.1 ہزار ہیکٹر رہا جس کی پیداوار 98.3 ہزار ٹن رہی (3 فیصد اضافہ)

 2024 میں زرعی درآمدات 18.7 ہزار ٹن تک پہنچیں (10.8فیصد اضافہ)، جبکہ برآمدات 5.06 لاکھ ٹن رہیں جن میں 13 فیصد اضافہ ہوا۔

برآمد شدہ زرعی اجناس میں 72.1 فیصد حصہ پھلوں اور خوراکی ثمرات کا رہا ہے۔