سعودی قیادت کی طرف سے امارات کو قومی دن پر مبارکباد

خادم حرمین شریفین شاہ سلمان بن عبد العزیز آل سعود اور ولی عہد و وزیر اعظم شہزادہ محمد بن سلمان بن عبد العزیز آل سعود نےمتحدہ عرب امارات کے صدر شیخ محمد بن زاید آل نہیان کو ان کے ملک کے قومی دن پر مبارکباد پیش کی ہے۔

سعودی پریس ایجنسی کے مطابق سعودی قیادت نے امارات کے صدر کو تہنیتی پیغام روانہ کئے ہیں۔

سعودی قیادت نے صدر شیخ محمد بن زاید آل نہیان کے نام روانہ کئے جانے والے مکتوب میں کہا ہے کہ ’ہم آپ کے لئے صحت و عافیت اور خوشحال زندگی اور متحدہ عرب امارات کے لئے مزید ترقی و کامرانی کی امید رکھتے ہیں‘۔

سعودی قیادت نے دونوں ممالک کے برادرانہ تاریخ تعلقات کی تعریف کرتے ہوئے مختلف شعبوں میں مزید وسعت دینے کی امید ظاہر کی ہے۔