اسلام آباد ہائی کورٹ کے جج جسٹس طارق محمود جہانگیری کو عہدے سے ہٹا دیا گیا

اسلام آباد ہائی کورٹ نے جسٹس طارق جہانگیری کو عہدے سے ہٹا دیا ہے۔
عدالت نے میاں داؤد ایڈووکیٹ کی جانب سے دائر درخواست منظور کرتے ہوئے جسٹس طارق جہانگیری کی بطور جج تعیناتی کو کالعدم قرار دے دیا۔ 
چیف جسٹس اسلام آباد ہائی کورٹ جسٹس سرفراز ڈوگر اور جسٹس اعظم خان پر مشتمل ڈویژن بینچ نے فریقین کے دلائل سننے کے بعد جمعرات کو محفوظ فیصلہ سنایا۔
فیصلہ سنانے کے وقت کمرہ عدالت میں ایڈووکیٹ جنرل اسلام آباد ایاز شوکت، ایڈیشنل اٹارنی جنرل راشد حفیظ اور وکلا کی کثیر تعداد موجود تھی۔
عدالت نے جسٹس طارق محمود جہانگیری کی جانب سے فُل کورٹ تشکیل اور سندھ ہائی کورٹ کے فیصلے تک کیس ملتوی کرنے کی درخواستیں مسترد کردیں۔
اسلام آباد ہائی کورٹ نے جسٹس طارق محمود جہانگیری کی جانب سے بینچ پر اعتراض کی درخواست مسترد کرتے ہوئے وزارتِ قانون کو انہیں ڈی نوٹیفائی کرنے کا حکم دے دیا۔