گورنر قصیم نے حادثے میں بچ جانے والی سوڈانی بچی کی خیریت دریافت کی

گورنر قصیم شہزادہ ڈاکٹر فیصل بن مشعل بن سعود بن عبدالعزیز نے ٹریفک حادثے میں بچ جانے والی سوڈانی بچی العنود الطریفی کی عیادت کی۔

گورنر ہسپتال انتظامیہ کو بچی کی صحت کا ہر طرح سے خیال رکھنے کی ہدایت کی ہے۔

عاجل نیوز کے مطابق گورنرقصیم نے سوڈانی بچی کا حوصلہ بڑھایا اور خیریت دریافت کی۔

بچی نے گورنر کا شکریہ ادا کرتے ہوئے مملکت کی قیادت کے انسانی ہمدردی کے جذبات کو سراہا۔

خیال رہے اکتوبر 2025 میں 7 افراد پرمشتمل ایک سوڈانی خاندان کی کار قصیم ریجن کی ہائے وے پر حادثہ کا شکار ہو گئی تھی۔

المناک حادثے میں بچی کے والدین، بہن بھائی سمیت کار میں سوار 6 افراد موقع پر ہلاک ہو گئے تھے۔ 

حادثے میں محفوظ رہنے والی العنود الطریفی کو ایئرایمبولینس کے ذریعے بریدہ قصیم کے ہسپتال منتقل کیا گیا۔

سوڈانی بچی عنود نے سوشل میڈیا پراپیل کی تھی کہ اسے اور اس کی دادی کومملکت میں رہنے کی اجازت دی جائے کیونکہ اب ان کا کوئی نہیں رہا۔

 وڈیو اپیل میں کہا گیا میں اپنی دادی اور دادا کے ساتھ آپ کے ملک میں رہنے کی خواہاں ہوں، ہمیں کسی اور چیز کی ضرورت نہیں، بس ہمیں یہاں رہنے دیں، اس مٹی میں میرے خاندان کی خوشبو بسی ہے۔