ایران کے ساتھ تنازع کو سفارت کاری سے حل کرنا ترجیح ہے: صدر ٹرمپ
امریکہ کے صدر ڈونلڈ ٹرمپ نے کہا ہے کہ وہ ایران کے ساتھ تنازع کو سفارت کاری کے ذریعے حل کرنا چاہتے ہیں تاہم ساتھ ہی خبردار بھی کیا ہے کہ وہ کبھی بھی تہران کو جوہری ہتھیار تیار کرنے کی اجازت نہیں دیں گے۔
انہوں نے سٹیٹ آف دی یونین خطاب کے دوران کہا کہ ’ہم ان کے ساتھ بات چیت کر رہے ہیں، وہ معاہدہ کرنا چاہتے ہیں لیکن ابھی تک ہم نے یہ خفیہ الفاظ نہیں سنے، (جن میں کہا گیا ہو) کہ ’ہم کبھی جوہری ہتھیار نہیں رکھیں گے۔‘
امریکی صدر کا مزید کہنا تھا کہ ’میری ترجیح یہی ہے کہ معاملے کو سفارت کاری کے ذریعے حل کیا جائے مگر ایک بات طے ہے کہ میں دنیا میں دہشت گردی کے سب سے بڑے سپانسر جو اب بھی ہے، کو جوہری ہتھیار حاصل کرنے کی اجازت نہیں دوں گا۔‘
