کوئٹہ: وحدت کالونی میں شوہر کی بیوی اور چار بچوں کو قتل کرکے خود کشی کی کوشش

کوئٹہ کی وحدت کالونی میں شوہر نے فائرنگ کرکے بیوی اور چار بچوں کو قتل  کر دیا۔

پولیس کے مطابق مذکورہ شخص نے اپنی اہلیہ اور چار کمسن بچوں کو قتل کرنے کے بعد خودکشی کوشش کی اور شدید زخمی ہوگیا۔

اس وقت ملزم سول ہسپتال میں زیر علاج ہے اور ان کی حالت نازک بتائی جا رہی ہے۔  

پولیس کے مطابق فائرنگ کرنے والے شخص کی شناخت محمد آصف ولد موسیٰ خان کے نام سے ہوئی ہے۔ محمد آصف سیکرٹریٹ میں ملازم ہیں۔

واقعے میں مرنے والے بچوں کی شناحت 14 سالہ حذیفہ، 12 سالہ حورین، چھ سالہ علینہ اور ڈیڑھ سال کے مہرنا کے نام سے ہوئی۔

 پولیس نے جائے وقوعہ سے شواہد اکٹھے کرکے تحقیقات کا آغاز کر دیا ہے۔ واقعے کی اصل وجوہات جاننے کے لیے مختلف پہلوؤں سے تفتیش جاری ہے۔