انڈیا میں ایک خاتون یوٹیوبر کو اپنے وی لاگ میں سونے کے زیورات دکھانا مہنگا پڑ گیا کیونکہ اگلی ہی رات چور گھر پہنچ گئے اور لاکھوں کے زیورات کے علاوہ دوسرا قیمتی سامان بھی لے گئے۔
انڈین ٹریبیون کی رپورٹ کے مطابق واقعہ مدھیہ پردیش کے علاقے شیوپوری کی رہائشی رچنا گجر کے گھر میں پیش آیا جو سوشل میڈیا پر ایک لاکھ کے قریب فالوور رکھتی ہیں۔
وہ مختلف پوسٹس میں سماجی ایشوز پر بات کرتی رہتی ہیں اور زیادہ تر ویڈیوز گھر میں ہی ریکارڈ کرتی ہیں، جن کو پسند کیا جاتا ہے اور ان پر لائیکس اور کمنٹس بھی بہت زیادہ آتے ہیں۔
مزید پڑھیں
تاہم چند روز قبل انہوں نے ایک ایسی ویڈیو پوسٹ کی جس میں انہوں نے اپنے گھر کے مختلف حصے دکھائے اور اس دوران انہوں نے کافی زیورات پہن رکھے تھے جبکہ کچھ ان کے سامنے رکھے تھے اور وہ ان کے بارے میں بتا رہی تھیں۔
معمول کے مطابق انہوں نے یہ ویڈیو سوشل میڈیا پر اپ لوڈ کر دی اس امید کے ساتھ کہ اس پر اچھے ویوز اور لائیکس آئیں گے اور شاید ایسا ہوا بھی، مگر ساتھ ہی چور بھی آئے۔
رپورٹ کے مطابق موہانی گاؤں کی رہائشی کے گھر میں رات کو تقریباً دو بجے کچھ لوگ گھس گئے اور خاتون سمیت ان کے گھر والوں کو ایک کمرے میں بند کر کے تلاشی لی اور وہ زیورات ڈھونڈنے میں کامیاب رہے جو انہوں نے پوسٹ میں دکھائے تھے۔
That is why one should never share personal information on social media! YouTuber Rachna Gurjar in Mohani Khyavda village, located within the jurisdiction of the Narwar police station in Shivpuri.
The police have registered a case and initiated an investigation. According to… pic.twitter.com/XYFfL2BBnK
— Dharm (@dhram00) June 7, 2026
ان کا کہنا ہے کہ 10 لاکھ کے زیورات کے علاوہ دوسرا قیمتی سامان بھی اٹھا کر لے گئے۔
رچنا گجر کا کہنا ہے کہ ’انہوں نے پہلے سب کو جگایا اور پھر کمرے میں بند کر دیا اور زیورات و قیمتی سامان کے علاوہ انرجی ڈرنک کا ایک کارٹن بھی لے گئے۔‘
ان کا کہنا تھا کہ اگرچہ گھر میں سی سی ٹی کیمرے لگے ہیں مگر ایک تو انہوں نے منہ چھپائے ہوئے تھے اور دوسرا لاٹھی کی مدد سے ان کے رخ دوسری طرف پھیر دیے اس لیے ان کی پہچان نہیں ہو سکی۔
ان کے مطابق ’میں نے نوار پولیس سٹیشن میں رپورٹ درج کرا دی ہے۔‘
ایڈیشنل ایس پی سنجیو میول نے واقعے کی تصدیق کرتے ہوئے کہا ہے کہ رپورٹ درج کر لی گئی ہے اور تحقیقات شروع کر دی گئی ہیں۔
ان کے مطابق اگرچہ سی سی ٹی وی فوٹیج واضح نہیں مگر پھر بھی باریک بینی سے ان کا جائزہ لیا جا رہا ہے اور ایک میں کچھ افراد چہرہ چھپائے ہوئے دکھائی دیتے ہیں جو لاٹھی کی مدد سے کیمرے کا رخ موڑ رہے ہیں۔
دھرم نام کے ایکس ہینڈل سے خاتون کی ویڈیو شیئر کی گئی ہے جس میں وہ زیورات کے بارے میں بات کر رہی ہیں جبکہ اسی ویڈیو میں ان کے گھر پولیس کی آمد کو بھی دکھایا گیا ہے۔
واقعے کے بعد اس ایشو پر بحث شروع ہو گئی ہے کہ کیا اپنے گھر کی قیمتی اشیا کو پوسٹوں میں دکھانا چاہیے یا نہیں اور پر صارفین مختلف قسم کے تبصرے کر رہے ہیں۔
