سعودی ٹیم: ’کیپ ورد کو شکست دینے اور راؤنڈ آف 32 میں جانے کے لیے پُرعزم‘
سعودی قومی فٹبال ٹیم کے ہیڈ کوچ جورجیوس ڈونِس نے کہا ہے کہ کل کیپ ورد کے خلاف میچ ایک سخت چیلنج ہوگا تاہم انہوں نے اس بات پر زور دیا کہ ان کی ٹیم فتح حاصل کرنے، فیفا ورلڈ کپ 2026 کے راؤنڈ آف 32 میں جگہ بنانے اور سعودی شائقین کو فخر دلانے کے لیے پُرعزم ہے۔
سعودی پریس ایجنسی کے مطابق امریکہ کے شہر ہیوسٹن سٹیڈیم میں آج منعقدہ پری میچ پریس کانفرنس سے خطاب کرتے ہوئے ڈونِس نے کہا کہ ’کیپ ورد ایک مضبوط ٹیم ہے اور اس نے سپین اور یوروگوائے کے خلاف شاندار کارکردگی دکھائی ہے۔ ہم ایک فیصلہ کن میچ کا سامنا کر رہے ہیں جس میں ہمیں اپنی بہترین کارکردگی دکھانے، ذہنی طور پر مکمل فوکس رکھنے اور میدان میں بھرپور ہم آہنگی برقرار رکھنے کی ضرورت ہے۔ یہی ہمارا ہدف ہے۔‘
سعودی قومی ٹیم نے آج ٹیکساس کے شہر آسٹن میں اپنی تیاریوں کا سلسلہ جاری رکھا، جہاں وہ ہفتے کے روز کیپ ورد کے خلاف فیفا ورلڈ کپ 2026 کے گروپ ایچ کے تیسرے راؤنڈ کے میچ میں حصہ لے گی۔
کھلاڑیوں نے آسٹن کے کیو ٹو سٹیڈیم میں اپنی آخری ٹریننگ سیشن مکمل کیا جس کے بعد وہ ہیوسٹن روانہ ہوں گے جہاں سعودی کا گروپ سٹیج کا آخری میچ کھیلا جائے گا۔
ٹیم آج شام ہیوسٹن ڈائنامو ٹریننگ فیسلٹی میں ایک ٹریننگ سیشن کے ساتھ اپنی تیاریوں کو مکمل کرے گی۔
