کراچی میں یونیورسٹی روڈ پر دھماکے اور فائرنگ کی اطلاعات
کراچی میں یونیورسٹی روڈ پر موسمیات کے قریب دھماکے اور فائرنگ کی اطلاعات موصول ہوئی ہیں۔
خبر رساں ادارے روئٹرز نے مقامی میڈیا کے حوالے سے رپورٹ کیا ہے کہ دھماکے کی آواز کے بعد علاقے میں فائرنگ بھی سنی گئی۔
رپورٹ کے مطابق دھماکہ پاکستان رینجرز کے دفاتر کے قریب ہوا۔
سوشل میڈیا پر وائرل ویڈیو میں عینی شاہد بتا رہے ہیں کہ پہلے دھماکہ ہوا اس کے بعد فائرنگ شروع ہوئی۔
تاحال حکام کی جانب سے واقعے کی نوعیت، ممکنہ جانی نقصان یا ذمہ داروں سے متعلق کوئی سرکاری بیان جاری نہیں کیا گیا۔
تاہم وزیراعلیٰ سندھ کے ترجمان کی جانب سے جاری بیان کے مطابق سید مراد علی شاہ نے موسمیات چورنگی کے پاس دھماکے کی آواز سننے اور فائرنگ کے واقعے کا نوٹس لیا ہے۔
بیان میں کہا گیا ہے کہ وزیراعلیٰ سندھ نے آئی جی سندھ اور ایڈیشنل آئی جی کراچی سے رابطہ کرکے واقعے کی تفصیلی رپورٹ طلب کرلی۔
