سعودی افواج نے عراق سے آنے والے کئی ڈرونز کو تباہ کردیا: وزارتِ دفاع

سعودی وزارتِ دفاع نے کہا ہے کہ ’گذشتہ چند گھنٹوں کے دوران سعودی فضائی دفاع نے کئی ڈرونز کو تباہ کر دیا، جن کا ہدف مشرقی علاقے اور ریاض میں واقع تیل کی تنصیبات تھیں۔‘
عرب نیوز کے مطابق وزارتِ دفاع کے ترجمان نے پیر کو بتایا کہ ’یہ ڈرونز عراق میں ایران کی حمایت یافتہ ملیشیاؤں کی جانب سے داغے گئے تھے۔‘
ترجمان کا مزید کہنا تھا کہ ’سعودی عرب کو اپنے دفاع اور اپنی صلاحیتوں کے تحفظ کا مکمل حق حاصل ہے، اور وہ مناسب وقت اور مناسب مقام پر جواب دینے کا حق محفوظ رکھتا ہے۔‘