موٹرسائیکلوں پر سامان کی منتقلی کے نئے ضوابط جاری

ٹرانسپورٹ جنرل اتھارٹی نے تجارتی مقاصد کے لیے موٹرسائیکلوں کےذریعے سامان کی منتقلی کے عمل کو منظم بنانے کے لیے جامع ضوابط کا اعلان کردیا ہے۔

سبق نیوز کے مطابق اتھارٹی کا کہنا ہے کہ اقدام کا مقصد شعبے کو منظم بنانا ہے تاکہ ارڈر کی ترسیل اور وصولی بہتر انداز میں مکمل ہو۔

جاری کیے جانے والے نئے ضوابط کا مقصد مارکیٹ میں سفافیت اور استحکام کو فروغ دینا ہے، جبکہ سرمایہ کاری اور مسابقت کے لے زیادہ سازگار ماحول کی فراہمی کو یقینی بنانا، ٹرانسپورٹ اور لاجسٹکس کے شعبے میں تیزی سے رونما ہونے والی تبدیلیوں سے ہم آہنگ کرنا ہے۔

ضوابط کے مثبت اثرات سروس کی حفاظت، قابل اعتماد معیار اور صارفین کے حقوق کے تحفظ کی صورت میں سامنے آئیں گے۔ علاوہ ازیں آپریشنل کارکردگی بہتر بنانے، پائیدار عملی طریقوں کی حوصلہ افزائی، ترقی، معیاری خدمات اور ماحولیاتی تحفظ کے درمیان متوازن نظام قائم کرنے میں بھی مدد لے گی۔

اتھارٹی کا کہنا ہے کہ ضوابط کا اجرا جدید نقل وحمل کے لیے ہم آہنگ قانون سازی کے نظام کی تشکیل، سرمایہ کاری اور شعبے کی مسابقت بڑھانے اور قومی ٹرانسپورٹ و لاجسٹکس حکمتِ عملی و سعودی ویژن 2030 کے اہداف کے حصول کی کوششوں کا حصہ ہیں۔