سعودی وزیر خارجہ کی نیویارک میں ہم منصبوں سے ملاقاتیں
جنرل اسمبلی اجلاس کے موقع پر شہزادہ فیصل بن فرحان نے کئی ممالک کے رہنماؤں سے گفتگو کی (فوٹو: عرب نیوز)
سعودی عرب کے وزیرِ خارجہ شہزادہ فیصل بن فرحان نے نیویارک میں پاکستان کے نائب وزیراعظم و وزیر خارجہ اسحاق ڈار سے ملاقات کی ہے جہاں وہ اقوام متحدہ کی جنرل اسمبلی کے 81ویں اجلاس میں شرکت کے لیے پہنچے ہیں۔
دونوں رہنماؤں نے دو طرفہ تعاون اور خطے کی صورت حال پر تبادلہ خیال کیا جبکہ کشیدگی کے خاتمے کے لیے ہونے والے کوششیں بھی زیر بحث آئیں۔
سعودی پریس ایجنسی (ایس پی اے) کے مطابق جنرل اسمبلی کے سیشن کے موقع پر شہزادہ فیصل بن فرحان نے دوسرے مختلف ملکوں کے ہم منصبوں سے بھی ملاقات کی۔
شہزادہ فیصل بن فرحان خلیج تعاون کونسل اور سوئٹزرلینڈ کے درمیان ہونے والے وزارتی اجلاس میں بھی شریک ہوئے جبکہ انہوں نے خلیج تعاون اور فرانس کے عہدیداروں کے درمیان ہونے والے اجلاس میں بھی شرکت کی۔
ان اجلاسوں میں خطے کی صورت حال، اس کی سلامتی اور استحکام سے جڑے معاملات پر بات چیت کی گئی۔
اسی طرح شہزادہ فیصل بن فرحان نے ترکی کے وزیر خارجہ ہاکان فیدان اور مصر کے وزیر خارجہ بدر عبدالعاطی سے بھی بات چیت کی۔
