پاکستان کے وزیراعظم شہباز شریف نے ریاض کے شاہ خالد انٹرنیشنل ائیرپورٹ پر حوثی ملیشیا کے حملے کی شدید ترین الفاظ میں مذمت کرتے ہوئے سعودی عرب کی سلامتی، خودمختاری اور ارضی سالمیت کے ساتھ غیر متزلزل یکجہتی کا اعادہ کیا ہے۔
وزیراعظم شہباز شریف کی جانب سے اتوار کو ایکس پر جاری کردہ بیان کے مطابق ’شہریوں اور اہم نوعیت کے تنصیبات کو نشانہ بنانا کسی صورت قابلِ قبول نہیں ہے اور یہ اقدامات علاقائی امن و سلامتی کے لیے ایک سنگین خطرہ ہیں۔‘
مزید پڑھیں
انہوں نے حملے میں جاں سے جانے والوں کے لواحقین سے گہرے دکھ اور تعزیت کا اظہار کیا جبکہ زخمیوں کی جلد اور مکمل صحت یابی کے لیے دعا بھی کی۔
وزیراعظم کا کہنا تھا کہ ’تشدد کے ایسے واقعات بین الاقوامی قانون کی صریح خلاف ورزی ہیں جن کا فوری خاتمہ ہونا چاہیے۔‘
I strongly condemn the heinous attack by the Houthi militia on King Khalid International Airport in Riyadh. We extend our deepest condolences to the bereaved families and pray for the swift and full recovery of the injured. Attacks targeting civilians and critical infrastructure are completely unacceptable and constitute a serious threat to regional peace and stability. Such acts of violence, which are a flagrant violation of international law, must cease immediately. Pakistan stands in unwavering solidarity with the Kingdom of Saudi Arabia, its leadership and brotherly people. In accordance with the Makkah Joint Defence Agreement and the enduring bonds of brotherhood between our two countries, we reaffirm our steadfast commitment to Saudi Arabia’s sovereignty, territorial integrity and security.
— Shehbaz Sharif (@CMShehbaz) October 11, 2026
بیان میں اس بات پر زور دیا گیا کہ ’پاکستان، سعودی عرب کی قیادت اور برادر عوام کے ساتھ شانہ بشانہ کھڑا ہے۔‘
’مکہ جوائنٹ ڈیفنس ایگریمنٹ اور دونوں برادر ممالک کے مابین دیرینہ اور تاریخی رشتوں کے تحت پاکستان سعودی عرب کی سالمیت اور سکیورٹی کے تحفظ کے لیے اپنے غیر متزلزل عزم پر قائم ہے۔‘
دہشت گردی کی گھناؤنی کارروائی: پاکستانی دفتر خارجہ
پاکستان کے دفتر خارجہ کے ترجمان نے اپنے ایک علیحدہ بیان میں ریاض ایئرپورٹ کو نشانہ بنانے کے اقدام کی سخت الفاظ میں مذمت کرتے ہوئے اسے دہشت گردی کی گھناؤنی کارروائی قرار دیا ہے۔
انہوں نے کہا کہ ’شہری آبادی اور حساس انفراسٹرکچر پر حملے بین الاقوامی قوانین کی کھلی ورزی اور خطے کے امن کے لیے بڑا خطرہ ہیں۔‘
پاکستان نے عالمی برادری سے مطالبہ کیا ہے کہ ’وہ حوثی ملیشیا کے ان حملوں کی بلا تاخیر اور غیر مبہم الفاظ میں مذمت کرے اور ملیشیا پر فوراً دہشت گردانہ کارروائیاں بند کرنے کے لیے زور ڈالے۔‘
سعودی عرب کے حقِ دفاع کی حمایت
دفتر خارجہ کے ترجمان نے جانی نقصان اور زخمیوں پر گہری تشویش کا اظہار کرتے ہوئے متاثرہ خاندانوں سے دلی تعزیت اور یکجہتی ظاہر کی۔
PR No. Pakistan Strongly Condemns the Latest Terrorist Attack by the Houthi Militia Targeting King Khaled International Airport, Riyadh https://t.co/rvMZkHLhp8
— Ministry of Foreign Affairs - Pakistan (@ForeignOfficePk) October 11, 2026
انہوں نے کہا کہ پاکستان اس مشکل وقت میں سعودی عرب کی قیادت اور برادر عوام کے ساتھ مکمل طور پر کھڑا ہے جبکہ 'مکہ معاہدہ برائے مشترکہ دفاع' کے تحت سعودی عرب کی خودمختاری، سلامتی اور ارضی سالمیت کے تحفظ کے عزم کو دوبارہ دہرایا جاتا ہے۔
دفتر خارجہ نے واضح کیا کہ ’سعودی عرب کو اپنی سرزمین، عوام اور سرحدوں کے دفاع کا کامل اور جائز حق حاصل ہے۔‘
