ریلوے حکام کا کہنا ہے کہ فوراً ہی جائے حادثہ کی جانب امدادی ٹیمیں روانہ کی گئیں اور آپریشن اس وقت بھی جاری ہے۔
ان کی جانب سے یہ بھی بتایا گیا ہے کہ حادثے کے بعد سروس معطل ہے اور تھل ایکسپریس کی روانگی روک دی گئی ہے۔
ریسکیو حکام کا کہنا ہے کہ زخمیوں کو نشتر ہسپتال منتقل کر دیا گیا ہے۔
ان کی جانب سے یہ بھی بتایا گیا ہے کہ واقعے کے بعد ریلوے آپریشن معطل ہے اور ٹریک کو کلیئر کرنے کا آپریشن جاری ہے جس کے بعد حادثے کی وجہ جاننے کے لیے تحقیقات شروع کی جائیں گی۔
ریلوے حکام کا کہنا ہے کہ ملتان کی ڈویژنل انتظامیہ اس وقت جائے حادثہ پر موجود ہے (فوٹو: ریسکیو 1122)
دوسری جانب وزیراعظم شہباز شریف نے واقعے کا نوٹس لیتے ہوئے حکام سے رپورٹ طلب کر لی ہے۔
وزیراعظم نے واقعے پر افسوس کا اظہار کرتے ہوئے زخمیوں کو فوری اور بہترین طبی سہولتیں فراہم کرنے کی ہدایت کی گئی ہے۔
وزیراعلیٰ پنجاب مریم نواز شریف نے بھی ٹرین حادثے میں قیمتی جانوں کے ضیاع پر افسوس کا اظہار کیا ہے۔
وزیراعظم شہباز شریف نے زخمیوں کو بہترین طبی سہولتیں فراہم کرنے کی ہدایت کی ہے (فوٹو: ریسکیو 1122)
منگل کو وزیراعلیٰ ہاؤس سے جاری ہونے والے بیان کے مطابق مریم نواز شریف کی ہدایت پر کشمیر ملتان عامر کریم اور دیگر انتظامیہ افسران جائے حادثہ پر پہنچے۔
وزیراعلیٰ نے سوگوار خانداروں سے اظہار تعزیت کیا ہے جبکہ زخمیوں کے بہترین علاج کے لیے ہدایات جاری کی ہیں جبکہ ان کی جلد صحت یابی کے لیے دعا بھی کی۔