Sorry, you need to enable JavaScript to visit this website.

’پوری دنیا کا میڈیا جھوٹا ہے‘

ہیش ٹیگ مولانا طارق جمیل اس وقت ٹوئٹر پر ٹرینڈ کر رہا ہے (فوٹو: سوشل میڈیا)
لاک ڈاؤن کی وجہ سے متاثرہ افراد کی مدد کے لیے وزیراعظم عمران خان کے احساس پروگرام کے تحت کورونا ریلیف فنڈ ٹیلی تھون کے موقعے پر پاکستان کے مشہور عالم دین مولانا طارق جمیل نے کہا ہے کہ پاکستان کا ہی نہیں بلکہ پوری دنیا کا میڈیا جھوٹا ہے۔
پاکستانی صحافی اور اینکر عاصمہ شیرازی نے اپنے ٹوئٹر اکاؤنٹ پر مولانا طارق جمیل کا ایک ویڈیو کلپ شئیر کیا ہے جس میں مولانا طارق جمیل میڈیا کو جھوٹا قرار دے رہے ہیں۔
مولانا طارق جمیل نے کہا ’ان اینکر کے سامنے معافی مانگ کر ایک بات کر رہا ہوں، ایک بہت بڑے چینل کے مالک نے مجھ سے کہا کہ کوئی نصحیت کریں تو میں کہا کہ چینل سے جھوٹ ختم کریں تو ان کا کہنا تھا کہ چینل ختم ہو سکتا ہے، جھوٹ نہیں ختم ہو سکتا۔ یہ صرف پاکستان کی بات نہیں بلکہ پوری دنیا کا میڈیا جھوٹا ہے۔‘ 
اس وقت ہیش ٹیگ مولانا طارق جمیل ٹوئٹر پر ٹرینڈ کر رہا ہے۔ مولانا طارق جمیل کے بیان کے بعد ٹوئٹر صارفین کی جانب سے مختلف ردعمل سامنے آیا ہے۔
صحافی اجمل جامی نے ٹویٹ کیا کہ مولانا طارق جميل کا پاکستانی میڈیا کے توسط سے جاری ٹیلی تھون کے ذریعے اہم پیغام۔
صحافی ناجیہ اشعر نے ٹویٹ کیا کہ میڈیا کے ذریعے سے ایک پیغام دیا گیا کہ تمام میڈیا جھوٹا ہے۔

 

احساس ٹیلی تھون میں وزیراعظم عمران خان سمیت ملک کے معروف صحافی اور دیگر شخصیات بھی موجود تھے۔
کورونا ریلیف فنڈ ٹیلی تھون کے موقعے پر وزیراعظم پاکستان عمران خان نے کہا کہ حکومت کو کاروبار کھولنا پڑیں گے اور سمارٹ لاک ڈاؤن کی طرف جانا پڑے گا۔

شیئر:

متعلقہ خبریں