خارجہ اور آبادکاری کے نائب وزرا کا تقرر
شاہ سلمان بن عبدالعزیز نے تین شاہی فرامین جاری کیے ہیں( فوٹو سبق)
خادم حرمین شریفین شاہ سلمان بن عبدالعزیز نے خارجہ اور آبادی کاری کے نائب وزرا کا تقرر کیا ہے۔
شاہ سلمان بن عبدالعزیز نے تین شاہی فرامین جاری کرکے انجینیئر ولید الخریجی کو نائب وزیر خارجہ بدرجہ وزیر، انجینیئر عبداللہ البدیر کو نائب وزیرآباد کاری اور ڈاکٹر بندر السجان کو پبلک مینجمنٹ انسٹی ٹیوٹ کا ڈائریکٹر جنرل مقرر کیا ہے۔
سعودی خبررساں ادارے ایس پی اے کے مطابق شاہ سلمان نے پہلی مرتبہ وزرائے خارجہ و آباد کاری کے نائب مقرر کیے ہیں-
شاہی فرمان میں خارجہ و آباد کاری کی وزارتوں اور پبلک مینجمنٹ انسٹی ٹیوٹ کو مذکورہ فیصلوں پر عمل درآمد کی ہدایت کی گئی ہے۔
