کویت : ہوائی اڈے پر مسافروں کے علاوہ دوسروں کے جانے پر پابندی

کویتی سول ایوی ایشن نے کویت انٹرنیشنل ائیر پورٹ پر مسافروں کے ساتھ آنے والوں پر پابندی عائد کردی ہے۔ مسافروں کے علاوہ کسی کوایئرپورٹ آنے کی اجازت نہیں ہوگی۔

کویتی اخبار ’الرائی ‘ کے مطابق سول ایوی ایشن نے وزارت صحت کی جانب سے ہدایات پرعمل کرتے ہوئے کورونا بچاو کی تدابیر کے تحت ہوائی اڈے پر سماجی فاصلے کے اصول کو یقینی بنانے کےلیے غیر ضروری افراد کے داخلے پر پابندی عائد کردی ہے۔

سول ایوی ایشن ذرائع کا کہنا ہے کہ ہوائی اڈے پر سماجی فاصلے کے اصول پر عمل درآمد کو یقینی بنانے کےلیے مسافر کو لینے اور رخصت کرنے کےلیے آنے والوں پر پابندی عائد کردی گئی ہے۔

پابندی کا فیصلہ ایئر پورٹ کی عمارت میں ہونے والے ازدحام کو ختم کرنا ہے جو غیرضروری افراد کی وجہ سے ہوتا ہے جس کے سبب کورونا بچاو کے لیے سماجی فاصلے کے اصول پر عمل کرنا مشکل ہی نہیں ناممکن ہو جاتا ہے۔

ایئر پر غیر معمولی ازدحام کو ختم کرنے اور لوگوں کو سہولت فراہم کرنے کےلیے  حکام کی جانب سے ہوائی اڈے پر مسافروں کے علاوہ دوسروں کے جانے پر پابندی عائد کی ہے