Sorry, you need to enable JavaScript to visit this website.

مصنوعی ذہانت کے ذریعے خبریں پڑھنے والی ’نیوز اینکر‘ متعارف

چینل کے مطابق خبروں کو جلد نشر کیا جا سکے گا اور اس سے وقت اور وسائل کی بچت ہو گی۔ (فوٹو: ایم بی این)
جدید ٹیکنالوجی ہماری زندگی کا ایک لازمی حصہ بن گئی ہے اور اب نئی خبر یہ ہے کہ جنوبی کوریا کے ایک نیوز چینل ایم بی این نے مصنوعی ذہانت سے کام کرنے والی نیوز اینکر کو متعارف کروایا ہے۔
ایشیا ون نیوز ویب سائٹ کے مطابق ایم بی این نے اس پراجیکٹ کے لیے ’منی برین‘ کے ساتھ اشتراک کیا اوراس اینکر کا نام ’کِم جُو ہا‘ رکھا گیا ہے۔

 

اس ٹیکنالوجی کی مدد سے نہ صرف حقیقت کے قریب اینیمیشن بنائی جا سکتی ہے بلکہ ایک منٹ میں ایک ہزار الفاظ بھی ادا کیے جا سکتے ہیں۔
پروڈیوسرز لکھے ہوئے مواد، ویڈیوز اور اور سب ٹائٹلز کو ترتیب دیں گے اور جب یہ کام مکمل ہو جائے گا تو یہ سارا مواد مصنوعی ذہانت سے کام کرنے والی ’اینکر‘ میں اپ لوڈ کیا جائے گا جو اسے ٹی وی چینل پر پیش کرے گی۔
ایم بی این چینل کے ایک ملازم کا کہنا ہے کہ اس طریقے سے خبروں کو جلد نشر کیا جا سکے گا اور اس سے وقت اور وسائل کی بچت ہو گی۔

شیئر: