اردن کے وزیر صحت نے کورونا ویکسن پروگرام چند دنوں میں شروع کرنے کا اعلان کیا ہے۔
روئٹرز نے اردن کی سرکاری خبررساں ایجنسی کے حوالے سے بتایا کہ پیر گیارہ جنوری کو فائزر بائیوٹک ویکسین کی پہلی کھیپ کے پہنچنے کے بعد ویکسین پروگرام شروع ہوگا۔
چائنا فارما سیٹکل گروپ ( سینوفارم) کی تیار کردہ ویکسین سنیچرکی رات پہنچ رہی ہے۔
مزید پڑھیں
-
لبنان میں کورونا کی دوسری لہر، مساجد میں نمازیں معطل
Node ID: 530471 -
امارات کی دس فیصد آبادی نے کورونا ویکسن لگوالی
Node ID: 531071
یاد رہے کہ اردن نے تین جنوری کو کہا تھا کہ اس نے ورلڈ ہیلتھ آرگنائزیشن کے پروگرام سے ویکسین کی دس لاکھ خوراکیں اور مزید بیس لاکھ خوراکیں خریدنے کے لیے فائزر اور اس کی شراکت دار بائیو ٹیک کے ساتھ معاہدہ کیا ہے جس کا مقصد غریب اور متوسط آمدنی والے ممالک میں لوگوں کو ویکسین فراہم کرنا ہے۔
اردن کے وزیر صحت کا کہنا تھا کہ ’حکومت ملک کی دس ملین آبادی کے لیے مفت ویکسین پروگرام شروع کرنے کا ارادہ رکھتی ہے‘۔
انہوں نے کہا کہ ویکسین پروگرام میں ہیلتھ ورکرز اور معمر افراد کو ترجیح دی جائے گی۔
اردن میں نومبر میں کورونا کی دوسری لہر کے عروج کے بعد انفیکشن میں تیزی سے کمی دیکھنے میں آئی ہے۔
دس ملین والی آبادی والے ملک میں کورونا متاثرین کی مجموعی تعداد تین لاکھ پانچ ہزار 959 ہوگئی ہے جبکہ چار ہزار سے زیادہ اموات ہوئی ہیں۔