وفاقی بجٹ، فردوس عاشق کا تھپڑ، فائزر ویکسین اور سعودی فنڈ سمیت پاکستان سے گذشتہ ہفتے کی اہم خبریں
وفاقی بجٹ، فردوس عاشق کا تھپڑ، فائزر ویکسین اور سعودی فنڈ سمیت پاکستان سے گذشتہ ہفتے کی اہم خبریں
ہفتہ 12 جون 2021 0:08
وفاقی بجٹ میں کیا ہے، وزیر اعلی پنجاب کی معاون خصوصی فردوس عاشق اعوان کے تھپڑ کی گونج، پاکستان میں فائزر ویکسین کسے لگے گی، گرمی کا زور کب ٹوٹے گا اور مہمند ڈیم کی تعمیر کے لیے سعودی فنڈ سمیت کئی خبریں قارئین کی دلچسپی کا مرکز رہیں۔ گذشتہ ہفتے پاکستان کی اہم خبروں پر ایک نظر:
’پاکستان میں فائزر ویکسین صرف حج زائرین کو لگائی جائے گی‘
حکومت پاکستان نے فائزر ویکسین لگوانے کے حوالے سے حمکت عملی تبدیل کرتے ہوئے فائزر ویکسین صرف حج زائرین کے لیے مختص کرنے کا فیصلہ کیا ہے۔
سعودی عرب میں مقیم پاکستانیوں کی شکایات، فیکٹ فائنڈنگ رپورٹ تیار
سعودی عرب میں مقیم پاکستانیوں کی شکایات پر کمیٹی نے فیکٹ فائنڈنگ رپورٹ تیار کر لیا ہے (فوٹو: عرب نیوز)
سعودی عرب میں مقیم پاکستانی شہریوں کی جانب سے درپیش مشکلات اور سفارتی عملے کی بدسلوکی کی شکایات کی چھان بین کے لیے قائم اعلی سطح کی فیکٹ فائنڈنگ تحقیقاتی کمیٹی نے اپنی رپورٹ وزیر اعظم عمران خان کو بھجوا دی ہے۔
فردوس عاشق اعوان کا پیپلز پارٹی کے رہنما کو تھپڑ، یہ کیسے ہوا؟
پنجاب حکومت کی ترجمان ڈاکٹر فردوس عاشق اعوان اور پیپلز پارٹی کے رہنما اور ایم این اے عبد القادر مندوخیل کے درمیان ایک ٹی وی شو کے سیٹ پر ہاتھا پائی کی ویڈیو سوشل میڈیا پر وائرل ہونے کے بعد ڈاکٹر فردوس عاشق اعوان نے وضاحت کی ہے کہ انہیں اپنے دفاع میں انتہائی اقدام اٹھانا پڑا۔
فردوس عاشق اعوان نے پیپلز پارٹی کے ایم این اے قادر مندوخیل کو تھپڑ مار دیا (فوٹو: ٹوئٹر)
راولپنڈی اسلام آباد یونین آف جرنلسٹس کے ایک بیان میں کہا گیا ہے کہ ’سینیئر صحافی و اینکر پرسن حامد میر نے صحافیوں پر حملوں کے خلاف مظاہرے کے دوران کی گئی اپنی تقریر پر معذرت کر لی ہے۔‘
گھوٹکی میں دو ٹرینوں کے درمیان تصادم کے نتیجے میں 41 افراد ہلاک ہوگئے (فوٹو: اے ایف پی)
صوبہ سندھ کے ضلع گھوٹکی کے شہر ڈہرکی کے قریب دو ٹرینوں ملت ایکسپریس اور سرسید ایکسپریس کے درمیان تصادم کے نتیجے میں مرنے والے مسافروں کی تعداد 41 ہو گئی ہے جبکہ 80 سے زائد افراد زخمی ہیں۔
بدھ کے روز محکمہ موسمیات کی جانب سے جاری کردہ خبر میں کہا گیا ہے کہ ’جمعے کے روز شام یا رات کے وقت بحیرہ عرب سے مرطوب ہواؤں کا سلسلہ ملک کے شمال مشرقی علاقوں میں داخل ہو گا۔‘
فٹیف نے پاکستان کی ریٹنگ بہتر کر دی، ’دو برس میں اتنا کام بے مثال‘
عالمی ادارے فنانشل ایکشن ٹاسک فورس (ایف اے ٹی اے) نے پاکستان کی ریٹنگ بہتر کر دی ہے جس پر وفاقی وزیر برائے توانائی حماد اظہر نے کہا ہے کہ یہ بڑے پیمانے پر قانونی اصلاحات کا نتیجہ ہے جو 14 وفاقی اور تین صوبائی قوانین میں کی گئیں۔
کاروباری مراکز میں ایک چھٹی اور سرکاری ملازمین کی ویکسینیشن لازمی
پاکستان میں نیشنل کمانڈ اینڈ آپریشن سینٹر (این سی او سی) نے کہا ہے کہ ملک بھر میں تمام شہریوں کے لیے رضاکارانہ طور پر ویکسین لگانے کی مہم جاری رہے گی تاہم سرکاری اور نجی اداروں میں کام کرنے والے ملازمین کو ویکسین لازمی لگوانا ہوگی۔
راولاکوٹ: دو کاریں دریائے جہلم میں جا گریں، پی ٹی آئی رہنما سمیت چار افراد ہلاک
حکام کے مطابق پاکستان کے زیر انتظام کشمیر میں آزاد پتن کے مقام پر دو کاروں کا تصادم ہوا جس کے نتیجے میں وہ دریائے جہلم میں گر گئیں اور چار افراد ہلاک ہوگئے۔
بجٹ 2021: شدید ردعمل کے بعد انٹرنیٹ پر ٹیکس واپس لینے کا اعلان
شدید ردعمل کے بعد حکومت نے انٹرنیٹ پر ٹیکس واپس لینے کا اعلان کر دیا (فوٹو: ٹوئٹر)
انٹرنیٹ استعمال کرنے، لمبی کالز کے شوقین افراد کے لیے وفاقی بجٹ بری خبر لے کر آیا۔ بجٹ میں تجویز پیش کی گئی ہے کہ تین منٹ سے زائد جاری رہنے والی کال، انٹر نیٹ ڈیٹا اور ایس ایم ایس پر فیڈرل ایکسائز ڈیوٹی کا اطلاق ہوگا۔
