وفاقی وزیر منصوبہ بندی اسد عمر نے کہا ہے کہ 7 کروڑ پاکستانیوں کو ویکسین کی ایک خوراک لگائی جاچکی ہے۔
اسد عمر نے سنیچر کو اپنی ٹویٹ میں کہا کہ ’ویکسین لگانے کی مہم میں پاکستان مسلسل پیش رفت کر رہا ہے۔‘
انہوں نے بتایا کہ سال 2021 کے آخر تک سات کروڑ شہریوں کو ویکسین لگانے کا ہدف ہے۔
مزید پڑھیں
-
کورونا میں کمی: ملک میں ہفتہ وار ایک دن کی لازمی بندش ختمNode ID: 609551
’مجھے یہ بتاتے ہوئے خوشی محسوس ہو رہی ہے کہ سات کروڑ افراد کو ویکسین کی ایک خوراک لگ چکی ہے جبکہ چار کروڑ افراد کو ویکسین کی مکمل خوراکیں لگ چکی ہیں۔‘
انہوں نے کہا کہ سال کے اختتام میں ابھی دو ماہ باقی ہیں تب تک ہدف نہ صرف مکمل کرلیں گے بلکہ اس سے تجاوز کر جائیں گے۔
نیشنل کمانڈ اینڈ آپریشن سینٹر کے حالیہ اعدادوشمار کے مطابق گذشتہ 24 گھنٹوں کے دوران کورونا کے 658 کیسز سامنے آئے ہیں، 10 افراد ہلاک ہوئے، جبکہ ایک ہزار 366 کو انتہائی نگہداشت میں رکھا گیا ہے۔
We continue to make progress to vaccinate Pakistan. The year end target for 2021 was 7 crore people vaccinated. Happy to report that 7 crore people have now recieved atleast 1 dose and 4 crore are fully vaccinated. With 2 months to go, will inshallah meet, and exceed, the target
— Asad Umar (@Asad_Umar) October 30, 2021