Sorry, you need to enable JavaScript to visit this website.

پاکستان کے فاسٹ بولر محمد عامر کا انگلش کاؤنٹی کلب سے معاہدہ

محمد عامر متوقع طور پر پہلا میچ 28 اپریل کو کھیلیں گے۔ (فائل فوٹو: تصویر)
انگش کاؤنٹی کلب گلوسٹر شائر نے سابق پاکستانی فاسٹ بولر محمد عامر سے تین میچوں کے لیے معاہدہ کر لیا ہے۔
جمعے کو ایک بیان میں گلوسٹر شائر کا کہنا تھا کہ محمد عامر انشورنس کاؤنٹی چیمپیئن شپ میں سرے، ہیمپشائر اور سمرسیٹ کے خلاف میچوں کے لیے سلیکشن کے لیے دستیاب ہوں گے۔
کاؤنٹی کلب کی جانب سے کہا گیا ہے کہ محمد عامر کو پاکستانی بولر نسیم شاہ کے متبادل کے طور پر ٹیم میں شامل کیا جائے گا۔ نسیم شاہ اگلی ٹی20 سیریز کے لیے گلوسٹر شائر واپس آ جائیں گے۔
گلوسٹر شائر کی طرف سے عامر کا ڈیبیو 28 اپریل کو سرے کلب کے خلاف متوقع ہے۔
محمد عامر کا کہنا ہے کہ ’مجھے انگلش کنڈیشنز میں کھیلنے میں مزہ آتا ہے اور میں بہت اچھا محسوس کر رہا ہوں۔‘
فاسٹ بولر نے کہا کہ ’مجھے امید ہے کہ میں اپنی ٹیم کے لیے اچھی کارکردگی دکھا سکوں گا۔‘
واضح رہے محمد عامر نے دسمبر 2020 میں پاکستان کرکٹ بورڈ (پی سی بی) کے حکام سے اختلافات کے بعد بین الاقوامی کرکٹ سے ریٹائرمنٹ کا اعلان کر دیا تھا۔
انہوں نے پاکستان کے لیے 36 ٹسیٹ میچوں میں 119، 61 ایک روزہ میچوں میں 81 اور 50 ٹی 20 میچوں میں 59 وکٹیں حاصل کی تھیں۔

شیئر: