متحدہ عرب امارات کے صدر شیخ محمد بن زاید آل نہیان سے منگل کو مجلس قصر البحر ابوظبی میں چیف آف آرمی سٹاف پاکستان جنرل قمر جاوید باجوہ نے ملاقات کی ہے۔
امارات کے صدر نے پاکستان کے آرمی چیف کو ’آرڈر آف دی یونین‘ اعزاز پیش کیا ہے۔
مزید پڑھیں
-
-
جنرل باجوہ کی رائل ملٹری اکیڈمی کی تقریب میں شرکتNode ID: 692021
شیخ محمد بن زاید آل نہیان نے دونوں دوست ملکوں کے درمیان مشترکہ تعاون کی جڑیں گہری کرنے کے سلسلے میں موثر کردار ادا کرنے اور تعلقات کو مضبوط بنانے کے سلسلے میں منفرد کوششوں کے اعتراف میں جنرل قمر جاوید باجوہ کو ’وسام الاتحاد‘ اعزاز سے نوازا۔
یہ میڈل متحدہ عرب امارات کی جانب سے برادر اور دوست ممالک کے اعلی عہدیداروں کو دیا جانے والا ملک کا دوسرا بڑا اعزاز ہے۔
امارات کی سرکاری ایجنسی ’وام‘ کے مطابق امارات کے صدر شیخ محمد بن زاید اور جنرل قمر جاوید باجوہ نے ملاقات میں پاکستان اور امارات کے درمیان تعاون کے رشتوں اور مشترکہ جدوجہد سے متعلق امور پر تبادلہ خیال کیا۔
خصوصا دونوں ملکوں کے مشترکہ مفادات میں معاون دفاعی مسائل اور امور زیر بحث آئے ہیں۔ پاکستان اور امارات کی دلچسپی کے متعدد علاقائی و بین الاقوامی موضوعات اور حالات حاضرہ پر نکتہ ہائے نظر کا تبادلہ بھی کیا گیا۔
اس موقع پر شیخ محمد بن زاید آل نہیان نے کہا کہ ’امارات اور پاکستان کو گہرے تاریخی رشتے ایک دوسرے سے جوڑے ہوئے ہیں۔ مختلف سطحوں پر دوطرفہ تعلقات کو مستحکم بنائے رکھنے کی مشترکہ خواہش باہمی رشتوں کے استحکام کا باعث ہے‘۔
انہوں نےکہاکہ ’جنرل باجوہ نے دونوں ملکوں کے دوست عوام کے مفاد میں مشترکہ جدوجہد اور تعاون کی جہتوں کوعروج کی نئی منزلوں تک پہنچایا ہے‘۔
جنرل قمر جاوید باجوہ نے امارات کے صدر کا شکریہ ادا کیا اور کہا کہ’ دونوں ملکوں کو جوڑنے والے دوستانہ تعلقات مستحکم ہیں‘۔
’ پاکستان امارات کے ساتھ مفید تعاون کے فروغ اور دونوں ملکوں کے عوام کے مفاد کے لیے باہمی تعاون کو مزید بلندی تک لے جانے کی خواہش رکھتا ہے‘۔
#UAEPresident presents Order of the Union to Chief of the Army Staff of #Pakistan #WamVideo pic.twitter.com/KxWAYcrNfa
— WAM English (@WAMNEWS_ENG) August 16, 2022
