ایشیا کپ ٹی20 کے سپر فور مرحلے کے میچ میں پاکستان نے سنسنی خیز مقابلے کے بعد افغانستان کو ایک وکٹ سے شکست دے کر فائنل تک رسائی حاصل کر لی ہے۔
بدھ کو شارجہ کرکٹ سٹیڈیم میں کھیلے گئے میچ میں پاکستان نے 130 رنز کا ہدف نو وکٹوں کے نقصان پر 20 ویں اوور کی دوسری گیند پر حاصل کیا۔ نسیم شاہ 14 اور محمد حسنین صفر پر ناٹ آؤٹ رہے۔
پاکستان کی جیت کے ساتھ نہ صرف افغانستان بلکہ انڈیا بھی ایشیا کپ سے باہر ہوگیا ہے۔
گرین شرٹس کی جانب سے شاداب خان 36 اور افتخار احمد 30 رنز بنا کر نمایاں رہے۔ افغانستان کی جانب سے فضل الحق فاروقی اور فرید احمد نے تین تین وکٹیں حاصل کیں۔
پاکستان نے ٹاس جیت کر پہلے بولنگ کا فیصلہ کیا تھا جو ٹھیک ثابت ہوا اور افغانستان 20 اوورز میں چھ وکٹوں کے نقصان پر 129 رنز ہی بنا سکا۔
مزید پڑھیں
-
ایشیا کپ: سری لنکا نے افغانستان کو چار وکٹوں سے شکست دے دیNode ID: 697761
-
ایشیا کپ میں سری لنکا سے شکست، انڈیا کی فائنل تک رسائی مشکلNode ID: 698631