مملکت میں گرد آلود تیز ہوائیں، جمعے تک موسم غیر مستحکم رہنے کا امکان

سعودی عرب میں موسمیات کے قومی مرکز نے کہا ہے کہ ’مملکت کے بیشتر علاقوں میں بدھ سے جمعہ تک موسم غیر مستحکم رہنے کا امکان ہے‘۔ 

اخبار 24 کے مطابق قومی مرکزنے بیان میں کہا کہ’ منگل 31 جنوری سے چلنے والی گرد آلود ہواوں کا سلسلہ جمعہ تک جاری رہے گا۔ ان کی فی گھنٹہ رفتار 60 کلو میٹر سے زیادہ ہوگی‘۔ 

قومی مرکز کا کہنا ہے کہ ’ تیز ہوائیں گرد آلود آندھی کی شکل اختیار کرسکتی ہیں جس سے حد نظر ختم یا بے حد محدود ہوگی۔ اس صورتحال سے تبوک، الجوف، حدود شمالیہ، حائل، القصیم، الشرقیہ اور ریاض ریجنوں کے متعدد علاقے متاثر ہوں گے۔ مکہ مکرمہ اورمدینہ منورہ ریجنوں کے کچھ علاقوں میں بھی یہی صورتحال ہوگی‘۔ 

قومی مرکز نے مزید کہا کہ’ تبوک، حدود شمالیہ،الجوف ریجنوں میں گرج چمک کے ساتھ بارش اور ژالہ باری کا امکان ہے‘۔

 بیان کے مطابق’ بدھ کو حائل، القصیم اور الشرقیہ ریجنوں میں متعدد مقامات پر بارش متوقع ہے‘۔

قومی مرکز کا کہنا ہے کہ ’بدھ کو مکہ شہر، جدہ، رابغ، طائف، الجموم، الکامل خلیص، بحرۃ نیز مدینہ منورہ اس کی نو کمشنریوں، الشرقیہ اس کی نو کمشنریوں اور ریاض اس کی 11 کمشنریاں بارش کی زد میں رہیں گی‘۔

’بدھ کی رات اور جمعرات کو تبوک ریجن کے بالائی مقامات پر برفباری کا امکان ہے جبکہ بدھ سے تبوک، الجوف، حدود شمالیہ،حائل، شمالی مدینہ منورہ ریجن میں سردی میں اضافہ شروع ہوگا۔ کم از کم درجہ حرارت صفر سے لے کر چار سینٹی گریڈ تک رہے گا۔ شدید سردی پڑے گی‘۔