Sorry, you need to enable JavaScript to visit this website.

حافظ سعید کے گھر کے باہر دھماکہ: تین مجرموں کو پانچ پانچ بار سزائے موت کا حکم

لاہور کی انسداد دہشت گردی کی خصوصی عدالت نے جوہر ٹاؤن دھماکے میں ملوث تین مجرمان کو پانچ پانچ  بار سزائے موت کا حکم دے دیا ہے۔
منگل کو لاہور کی انسداد دہشت گردی عدالت کی ایڈمن جج عبہر گل خان نے سکیورٹی خدشات کے پیش نظر ویڈیو لنک کے ذریعے کیس کی سماعت کی۔
عدالت نے وکلا کے ملزمان کے بیانات پر بحث مکمل ہونے کے بعد فیصلہ سنایا۔
ملزمان میں سمیع الحق، عزیز اکبر اور نوید اختر شامل ہیں۔ مجرموں کے خلاف مقدمے کا ٹرائل مکمل ہو چکا ہے جبکہ پراسیکیوشن کے تمام گواہان شہادت قلمبند کرا چکے ہیں۔
ملزمان کے خلاف سی ٹی ڈی انسپکٹر خالد اکبر نے چالان جمع کرا رکھا ہے اور اس مقدمے میں چار  مجرموں کو پہلے ہی 9، 9 مرتبہ سزائے موت ہو چکی ہے۔
واضح رہے کہ دو سال قبل اہور میں جوہر ٹاؤن کے علاقے میں حافظ سعید کی رہائش گاہ کے باہر بم دھماکہ ہوا تھا، جس میں تین افراد ہلاک اور 13 زخمی ہوگئے تھے۔
اس واقعے کا مقدمہ محکمہ انسداد دہشت گردی (سی ٹی ڈی) نے درج کیا تھا۔ 

شیئر: