کولمبو میں کھیلے گئے ایشیا کپ کے فائنل میچ میں انڈین بولر محمد سراج نے سری لنکا کے خلاف تباہ کن بولنگ کرتے ہوئے سات اوورز میں 21 رنز دے کر 6 وکٹیں حاصل کیں۔
محمد سراج نے ایونٹ کے فائنل میچ میں ایک ہی اوور میں چار کھلاڑیوں کو آؤٹ کیا۔
انہوں نے اپنے ابتدائی سپیل کے دوسرے اوور کی پہلی گیند پر پاتھم نشانکا، تیسری گیند پر سدیرا سماراوِکاراما، چوتھی گیند پر چاریتھ اسالنکا اور چھٹی گیند پر دھننجایا ڈی سلوا کو آؤٹ کیا۔
مزید پڑھیں
-
انڈین بولر محمد سراج کی آئی سی سی ون ڈے رینکنگ میں پہلی پوزیشنNode ID: 737711
وہ ون ڈے کرکٹ کی تاریخ میں ایک اننگز میں تیز ترین پانچ وکٹیں حاصل کرنے والے دوسرے بولر بن گئے ہیں۔
محمد سراج نے اپنے ابتدائی سپیل کی 16 گیندوں پر پانچ کھلاڑیوں کو پویلین روانہ کیا۔
فائنل میں اس شاندار کارکردگی پر محمد سراج کو مین آف دی میچ کا ایوارڈ ملا تاہم انہوں نے اپنی انعامی رقم گراؤنڈ سٹاف کو دینے کا اعلان کر دیا۔
انہوں نے ایک بیان میں کہا کہ ’میں یہ انعامی رقم گراؤنڈ سٹاف کو دینا چاہوں گا۔ وہ اس کے حقدار ہیں۔ اگر وہ نہ ہوتے تو اس ٹورنامنٹ کا کامیاب انعقاد ممکن نہیں تھا۔
محمد سراج کا تعلق انڈیا کے شہر حیدرآباد دکن سے ہے۔
وہ 31 مارچ 1994 کو حیدرآباد دکن میں پیدا ہوئے۔ اُن کے والد رکشہ ڈرائیور تھے۔
سراج نے اپنے ڈومیسٹک کیریئر کا آغاز 2015 میں رنجی ٹرافی کے سیزن سے کیا جہاں انہوں نے حیدرآباد کی ٹیم کی نمانئدگی کی۔
انہوں نے اس کے بعد 2016 میں انڈیا کے ڈومیسٹک ٹی20 ایونٹ ’سید مشتاق علی ٹرافی‘ میں اپنا ڈیبیو کیا۔
وہ 17-2016 کی رنجی ٹرافی سیزن میں حیدرآباد کی جانب سے سب سے زیادہ وکٹیں حاصل کرنے والے کھلاڑی تھے۔ انہوں نے اُس سیزن میں 41 وکٹیں حاصل کیں۔
محمد سراج کی زندگی کا سب سے اہم موڑ تب آیا جب انہیں 2017 میں انڈین پریمیئر لیگ (آئی پی ایل) کی ٹیم ’سن رائزرز حیدرآباد‘ نے 2 کروڑ 60 لاکھ انڈین روپوں میں خریدا۔
اس کے بعد 2018 میں انہیں رائل چیلنجرز بنگلور (آر سی بی) نے اپنی ٹیم میں لے لیا جس کے بعد سے اب تک وہ آر سی بی کی ہی نمائندگی کر رہے ہیں۔

2015 میں اپنا ڈومیسٹک سفر کا آغاز کرنے والے سراج نے دو سال کے عرصے میں ہی قومی ٹیم کے لیے کھیلنا شروع کر دیا۔
انہوں نے 2017 میں نیوزی لینڈ کے خلاف راجکوٹ میں کھیلے گئے ٹی20 میچ میں اپنا انٹرنیشنل ڈیبیو کیا۔
اس کے بعد انہوں نے 2019 میں ایڈیلیڈ میں آسٹریلیا کے خلاف ون ڈے میچ میں اپنا ون ڈے جبکہ 2020 میں میلبرن میں آسٹریلیا ہی کے خلاف ٹیسٹ ڈیبیو کیا۔
وہ اب تک اپنے ٹیسٹ کیریئر میں 21 میچ کھیل کر 59 وکٹیں حاصل کر چکے ہیں۔
اسی طرح انہوں نے ون ڈے کیریئر میں 29 میچ کھیل کر 53 جبکہ ٹی20 کرکٹ میں 8 میچ کھیل کر 11 وکٹیں حاصل کی ہیں۔
محمد سراج کی ایشیا کپ کے فائنل میں شاندار بولنگ پر سماجی رابطوں کی ویب سائٹ ایکس (ٹوئٹر) پر تبصرے بھی دیکھنے کو مل رہے ہیں۔
کرک انفو نے اپنی ٹویٹ میں لکھا کہ ’گرین وکٹ بھی نہیں ہے، فائنل ہے، 16 گیندوں پر پانچ وکٹیں، چھ اوورز میں چھ وکٹیں۔ واہ سراج واہ۔‘
Not a green top. A final. Five wickets in 16 balls. Six wickets in his six overs.
WOW, SIRAJ, WOW https://t.co/HjhOw2Upp6 | #AsiaCupFinal | #SLvIND pic.twitter.com/83r0Q6pz9u
— ESPNcricinfo (@ESPNcricinfo) September 17, 2023
ٹوئٹر ہینڈل فرضی کرکٹر نے لکھتے ہیں کہ ’محمد سراج نے آج اس بات کو یقینی بنایا ہے کہ وہ بیٹنگ کرنے نہیں آئیں گے۔‘
Mohammed Siraj today has made sure he doesn't get to bat.
— Silly Point (@FarziCricketer) September 17, 2023
سمیر الانا نے تبصرہ کرتے ہوئے لکھا کہ ’چھ اوورز میں ہی پلیئر آف دی میچ کا فیصلہ ہوگیا۔ کیا ایسا پہلے کبھی ہوا ہے؟ سراج، آپ شاندار ہو۔‘
PLAYER OF THE MATCH decided inside 6 overs. When has this ever HAPPENED before?
SIRAJ, you beauty #INDvSL
— Sameer Allana (@HitmanCricket) September 17, 2023
سیٹھ عبداللہ نے اپنی ٹویٹ میں لکھا کہ ’سری لنکا کے 12 رنز پر 6 کھلاڑی آؤٹ ہیں۔ مجھے یقین نہیں آ رہا کہ یہ ہو رہا ہے۔ ایسے لگ رہا ہے جیسے ای اے سپورٹس کی کرکٹ والی گیم ہو۔‘
Srilanka is 12-6. I can't believe this is happening. Looks like EA sports cricket game
— Saith Abdullah (@SaithAbdullah99) September 17, 2023