جدہ میں ہوم گرون فیسٹیول، فیشن اور تخلیقی صلاحیتوں کی بہار

جدہ کے حیی جمیل میں منعقدہ ہوم گرون فیسٹیول میں تخلیقی صلاحیتوں کی حوصلہ افزائی کرتے ہوئے ہوم گرون مارکیٹ کی 11ویں سالگرہ منائی گئی۔

عرب نیوز کے مطابق تین روزہ تقریبات میں عرب تخلیقات اور روایتی ثقافت  اجاگر کرنے میں فیشن ملبوسات، جیولری اور کاسمیٹکس کے جدید برانڈز نے شرکت کی۔

فیسٹیول میں لولولیمون کی جانب سے فٹنس اور ویلبینگز سرگرمیاں، ایم ڈی ایل بیسٹ ریڈیو کے ڈی جے کی لائیو پرفارمنسز میں مقامی پکوان و قہوہ خصوصی طور پر پیش کیا گیا۔

اس موقع پر ہوم گرون مارکیٹ کی بانی اور سی ای او تمارا ابو خضرا  نے بتایا ’ہم ایک ایسی تقریب منعقد کرنا چاہتے تھے جو مقامی ٹیلنٹ  نمایاں کرتے ہوئے کمیونٹی کو یکجا کرے۔‘

گزشتہ  دہائی سے ہوم گرون مارکیٹ مشرق وسطیٰ کے تخلیقی افراد کی معاونت کر رہی ہے جو 15 برانڈز سے بڑھ کر اب تین برانچز اور ایک آن لائن پلیٹ فارم کے ساتھ 250 سے زائد برانڈز پر مشتمل ہے۔

تمارا ابو خضرا نے مزید  بتایا ’ہوم گرون کا مقصد فیشن ڈیزائنرز یا بیوٹی برانڈز سے منسلک تخلیقی افراد کی مدد کرنا ہے جو انسٹاگرام سے شروع ہو کر لاتعداد ناظرین سے جڑے ہوئے ہیں۔‘

ہوم گرون مارکیٹ میں ہمیشہ خواتین کے لباس اور سنگھار کے لوازمات کو شامل رکھا گیا ہے لیکن اب مردانہ ملبوسات اور مرد ڈیزائنرز کو فیسٹیول میں شامل کر رہے ہیں۔

فیسٹیول میں مقامی کاروباری افراد کو نئے صارفین سے جوڑنے کے لیے عبایہ کی علاوہ روایتی ملبوسات، آرٹ ورک اور تحائف کی وسیع اقسام دستیاب ہیں۔

ہیئر کیئر ’ایس این ڈی آر‘ کی بانی عبیر سندر  نے بتایا میں چاہتی ہوں ہماری نئی اپنے بالوں سے محبت کرے۔ ہوم گرون مارکیٹ ہمیشہ سے میرا پسندیدہ مقام رہا ہے اور میں اس کا حصہ بن کر بہت خوشی محسوس کرتی ہوں۔

عبیر سندر  نے بتایا ’میں نے صفر سے آغاز کیا تھا اور اب ہمارا ایک کامیاب کاروباری نیٹ ورک ہے، میرا مشورہ ہے کہ اپنے مقصد پر فوکس ہو تو آپ کچھ بھی حاصل کر سکتے ہیں اگر میں کر سکتی ہوں تو آپ بھی کر سکتے ہیں۔‘

اردن سے اس فیسٹیول میں شرکت کے لیے آئی بسمہ کلیکشن کی تخلیقی ڈائریکٹر اور شریک بانی بسمہ عبدالہادی  نے بتایا ’ ہم اپنی مصنوعات کے لیے ری سائیکل مواد استعمال کرتے ہیں جو کھڈی پر ہاتھ سے تیار کئے جاتے ہیں۔‘

بسمہ نے مزید بتایا ’اس فیسٹویل میں ہماری پہلی شرکت ہے اور یہاں آ کر بہت خوشی ہے  یہ بہترین پلیٹ فارم ہے جہاں نئے صارفین کی محبتیں سمیٹنے کی امید ہے۔