پاکستان سپر لیگ (پی ایس ایل) 10 کے 17 ویں میچ میں کوئٹہ گلیڈی ایٹرز نے پشاور زلمی کو 64 رنز سے شکست دے کر پوائنٹس ٹیبل پر اپنی پوزیشن بہتر کر لی ہے۔
پشاور زلمی پی ایس ایل کے رواں سیزن میں مشکلات کا شکار دے رہی ہے اور ٹیم کے کپتان بابر اعظم بھی مسلسل پرفارم نہ کر پانے کے باعث پریشر میں دکھائی دیتے ہیں۔
مزید پڑھیں
-
کرکٹ ویب سائٹ ’کرک بز‘ نے پی ایس ایل کی کوریج کیوں روک دی ہے؟Node ID: 888826
گزشتہ روز کے میچ میں بھی بابر اعظم جب محمد عامر کی بولنگ کا سامنا کر رہے تھے تو وہ مشکل میں نظر آئے۔ محمد عامر نے بابر کو چار گیندیں کروائیں جن میں پہلا باؤنسر ہی بابر کے ہیلمٹ پر جا لگا اور بابر کو انجری ٹیسٹ سے گزرنا پڑا۔
اس کے بعد عامر کی جانب سے آنے والے ان سونگر نے بابر کو پولین کی راہ دکھائی جس پر عامر کے جشن کا انداز سب کی توجہ کا مرکز بنا۔
سوشل میڈیا پر وائرل ہونے والی اس ویڈیو میں دیکھا گیا کہ جیسے ہی عامر نے بابر کی وکٹ لی وہ کوئٹہ گلیڈی ایٹرز کے ڈگ آؤٹ کی طرف بھاگے جہاں ٹیم کے مینٹور ویوین رچرڈز بھی موجود تھے۔
عامر نے ویو رچرڈرز کی طرف اشارہ کیا جس پر ویسٹ انڈین لیجنڈ نے انہیں تحمل کا مظاہرہ کرنے کا جوابی اشارہ دیا۔
Amir Gets babar Azam for 2nd time in this PSL
Amir - 2
Babar - 0Amir celebration #PZvsQG pic.twitter.com/5ysEamW10L
— Hanan (@MalikSahaab_001) April 27, 2025