حج پرمٹ کے بغیر دو لاکھ 69 ہزار افراد کو مکہ آنے سے روکا گیا
400 سے زیادہ جعلی حج کمپنیوں اور دفاتر کا سراغ لگایا گیا ہے ( فوٹو: سکرین گریب)
سعودی محکمہ امن عامہ کے ڈائریکٹر اور حج سکیورٹی کمیٹی کے چیئرمین لیفٹیننٹ جنرل محمد البسامی نے کہا ہے کہ ’400 سے زیادہ جعلی حج کمپنیوں اور دفاتر کا سراغ لگایا گیا اور ان کے خلاف کارروائی کی گئی ہے۔‘
الاخباریہ کے مطابق مشترکہ پریس بریفنگ کے دوران بتایا’ پرمٹ کے بغیر مکہ میں مقیم دو لاکھ پانچ ہزار افراد کو واپس کیا گیا جبکہ دو لاکھ 69 ہزار افراد کو مکہ میں داخلے سے روکا گیا۔
غیر قانونی عازمین کو لے جانے کی کوشش کرنے والے ایک ہزار239 افراد کو گرفتار کیا ہے۔ حج ضوابط کی خلاف ورزی پر 75 ہزار سے زائد افراد پر جرمانے عائد کیے گئے ہیں۔‘
انہوں نے زور دیا کہ ’سکیورٹی حکام حج کے ضوابط کی خلاف ورزی کرنے والے ہرایک شخص کے تعاقب میں ہوں گے۔‘
ان کا کہنا تھا’ محکمہ امن عامہ نے حج ضوابط کی خلاف ورزی روکنے کے لیے مکہ مکرمہ کے داخلی راستوں پر مستقل سکیورٹی پوسٹیں قائم کی ہیں۔‘
محکمہ پاسپورٹ کے ڈائریکٹر جنرل ڈاکٹر صالح المربع نے بتایا’ بیرون ملک سے اب تک 14 لاکھ سے زیادہ عازمین حج مملکت پہنچ چکے ہیں جبکہ روٹ ٹو مکہ پروجیکٹ میں شامل ملکوں کی تعداد بڑھ کرآٹھ ہوگئی۔‘
عازمین کے لیے گیارہ زبانوں میں ’حج کیئر سینٹر‘ نے کام شروع کردیاNode ID: 890423
مناسک حج کےلیے تیاریاں مکمل، عازمین کےلیے ہدایات کیا ہیں؟Node ID: 890458
