انڈیا: آئی پی ایل کے جشن کے دوران بھگدڑ، کم سے کم 11افراد ہلاک, کئی زخمی

انڈین پریمیئر لیگ (آئی پی ایل) میں رائل چیلنجرز بنگلورو (آر سی بی) کی 18 سال بعد پہلی مرتبہ جیت پر ہونے والے جشن میں بھگدڑ مچ گیا جس سے کم از کم 11 افراد کے ہلاک ہونے کی اطلاع ہے۔

انڈین میڈیا کے مطابق ایم چنا سوامی سٹیڈیم کے باہر ہونے والی بھگدڑ میں کم از کم سات افراد جان کی بازی ہار گئے ہیں اور 50 سے زائد زخمی ہوئے ہیں۔

یہ واقعہ اس وقت پیش آیا جب آر سی بی ٹیم آئی پی ایل کی جیت کا جشن منانے کے لیے ریاست کرناٹک کرکٹ ایسوسی ایشن کی جانب سے ایک تقریب کا اہتمام کیا گیا تھا، جس میں ہزاروں کی تعداد میں مداح شرکت کے لیے پہنچے۔

عینی شاہدین کے مطابق شدید رش کے باعث متعدد افراد بے ہوش ہو گئے جبکہ پولیس زخمیوں اور بے ہوش افراد کو فوری طور پر قریبی ہسپتال منتقل کر رہی ہے۔

کرناٹک کے نائب وزیر اعلیٰ ڈی کے شیوکمار نے اس افسوسناک واقعے پر ردعمل دیتے ہوئے کہا ہے کہ ’مجھے اس ہجوم پر قابو نہ پا سکنے پر افسوس ہے، ہم نے پانچ ہزار سے زائد سکیورٹی اہلکار تعینات کیے تھے، لیکن یہ نوجوانوں کا پُرجوش مجمع تھا، ہم ان پر لاٹھی چارج نہیں کر سکتے تھے۔‘

یاد رہے کہ اس سے قبل تین جون کو آر سی بی نے کم از کم 18 برس کے طویل انتظار کے بعد پنجاب کنگز کو آئی پی ایل 2025 کے فائنل میں شکست دے کر پہلی مرتبہ ٹائٹل اپنے نام کیا تھا۔