امریکی صدر ڈونلڈ ٹرمپ نے قطر میں امریکی فوجی اڈے پر ایران کے میزائل حملے کے چند گھنٹوں بعد ایران اور اسرائیل کے درمیان جنگ بندی کا اعلان کیا ہے۔
مقامی میڈیا کے مطابق اسی دوران ایران کے کرج اور شاہد راجئی میں کئی زور دار دھماکوں کی آوازیں سنی گئی ہیں۔
و اضح رہے ایران نے جوہری مقامات پر امریکی بمباری کے جواب میں قطر میں ایئر بیس پر میزائل حملے کیے تھے۔
امریکی صدر نے کہا’ ایران جنگ بندی کا آغاز کرے گا اور 12 ویں گھنٹے بعد اسرائیل اپنی کارروائیاں روک دے گا۔‘
ڈونلڈ ٹرمپ نے کہا ’یہ معاہدہ ایران اور اسرائیل دونوں نے منظور کیا ہے۔‘
ایک انسانی حقوق کی تنظیم نے پیر کو بتایا’ ایران پر اسرائیلی حملوں میں کم از کم 950 افراد ہلاک ار 3 ہزار 450 زخمی ہوئے ہیں۔‘
واشنگٹن بیس انسانی حقوق کے کارکنوں کے گروپ نے یہ اعداد و شمار فراہم کیے جو پورے ایران کے ہیں۔ مرنے والوں میں 380 عام شہری اور 253 سکیورٹی فورسز کے اہلکار شامل ہیں۔
ایران نے تنازع کے دوران باضابطہ طور پر ہلاکتوں کے اعداد وشمار فراہم نہیں کیے تاہم سنیچر کو ایرانی وزارت صحت نے کہا تھا کہ اسرائیلی حملوں میں تقریبا 400 افراد ہلاک ار 3 ہزار سے زیادہ زخمی ہوئے ہیں۔
