جمعرات 10 جولائی کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں آج امریکی ڈالر کی قیمت میں اضافہ ریکارڈ کیا گیا ہے، جبکہ سعودی ریال سمیت دیگر اہم کرنسیوں کی قیمتوں میں بھی ردوبدل دیکھنے میں آیا ہے۔ 

سٹیٹ بینک آف پاکستان کے مطابق جمعرات کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 10 پیسے کا اضافہ ریکارڈ کیا گیا ہے جس کے بعد اس کی نئی قیمت 284 روپے 56 پیسے ہو گئی ہے، جبکہ گزشتہ دن بدھ  کو اس کی قیمت 284 روپے 46 پیسے ریکارڈ کی گئی تھی۔ 

انٹربینک مارکیٹ میں آج سعودی ریال کی قدر 75 روپے 86 پیسے، اماراتی درہم 77 روپے 47 پیسے اور بحرینی دینار کی قدر 754 روپے 90 پیسے ریکارڈ کی گئی۔

اسی طرح عمانی ریال کی  قدر 739 روپے 17 پیسے، کویتی دینار کی 931 روپے 43 پیسے اور قطری ریال کی قیمت 78 روپے 7 پیسے رہی۔

دوسری جانب فاریکس ایسوسی ایشن آف پاکستان کے مطابق اوپن مارکیٹ میں جمعرات کو امریکی ڈالر کی قیمت خرید 286 روپے 5 پیسے جبکہ قیمت فروخت 287 روپے 5 پیسے ریکارڈ کی گئی۔ 

سعودی ریال کی قیمت خرید 76 روپے 45 پیسے جبکہ قیمت فروخت 76 روپے 80 پیسے اور اماراتی درہم کی قیمت خرید 78 روپے 10 پیسے جبکہ قیمت فروخت 78 روپے 50 پیسے رہی۔