سعودی قیادت کی طرف سے نائجیریا کو تعزیتی پیغام

خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبد العزیز آل سعود نے جمہوریہ نائجیریا کے سابق صدر محمد بخاری کے انتقال پر تعزیت پیش کی ہے۔

سعودی پریس ایجنسی کے مطابق سعودی قیادت نے جمہوریہ نائجیریا کے صدر بولا احمد تینوبو کو تعزیتی پیغام روانہ کئے ہیں۔

سعودی قیادت نے نائیجیریا کے صدر کے نام روانہ کئے جانے والے پیغام میں کہا ہے کہ ’ہمیں سابق صدر محمد بخاری کے انتقال کی خبر پر دکھ ہوا ہے‘۔

’ ہم آپ کو، جمہوریہ نائجیریا کے برادر عوام کو اور متوفی کے اہل خانہ کو دلی تعزیت اور مخلصانہ ہمدردی پیش کرتے ہیں‘۔

سعودی قیادت نے کہا ہے کہ ’ ہم اللہ تعالیٰ سے دعا گو ہیں کہ وہ متوفی پر اپنی وسیع رحمت اور مغفرت نازل فرمائے، جنت الفردوس میں جگہ دے اور آپ کو ہر آفت سے محفوظ رکھے‘۔